اسلام آباد۔ 20 اگست (اے پی پی) نیشنل کمانڈ اینڈ آپریشن سینٹر (این سی او سی) کوروناوائرس نا بابت تازہ انگا حساب وکتاب ءِ جاری کرینے۔ پنچ شنبے نادے آ این سی او سی آن جاری کروک حساب وکتاب نا رداٹ تدوک آ 24 گھنٹہ ٹی 8 بندغ مچ آ ملک اٹی دا وائرس نا سوب آن چندی ہسپتال آتیٹی زوال کریر۔ تدوک آ 24 گھنٹہ ٹی کووڈ۔ 19 نا 23 ہزار 670 ٹیسٹ کننگا ہرافتیان سندھ اٹی 8 ہزار 561، پنجاب اٹی 7 ہزار 550، خیبر پختونخواٹی 2 ہزار 814، اسلام آباد اٹی 3 ہزار 685، بلوچستان اٹی 522، گلگت بلتستان اٹی 364، آزاد کشمیر اٹی 174 ٹیسٹ کننگا۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 2 لکھ 72 ہزار 804 مسنے۔ آزاد کشمیر و بلوچستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف۔ وخت اس کہ مچ آ ملک اٹی کوویڈ۔ 19 نا ناجوڑ آتیکن جتا 1 ہزار 920 وینٹی لیٹر آتیا 133 ناجوڑ ءُ۔ دا وخت آ مچ آ ملک اٹی تدوک آ 24 گھنٹہ ٹی کوویڈ۔ 19 نا ایکٹو کیس آتا کچ 11 ہزار 945ءِ۔ داتم اسکان مچ آ ملک اٹی کوویڈ۔ 19 نا ناجوڑ آتا کچ 2 لکھ 90 ہزار 958ءِ ہرافتیان آزاد کشمیر اٹی 2 ہزار 219، بلوچستان اٹی 12 ہزار 403، گلگت بلتستان اٹی 2 ہزار 583، اسلام آباد اٹی 15 ہزار 425، خیبر پختونخوا ٹی 35 ہزار 468، پنجاب اٹی 95 ہزار 800 و سندھ اٹی 1 لکھ 27 ہزار 60 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 6 ہزار 209 ءِ ہرافتیان سندھ اٹی 2 ہزار 343 وخت اس کہ تدوک آ 24 گھنٹہ ٹی 7 بندغ ہسپتال آتیٹی زوال کریر۔ پنجاب اٹی 2 ہزار 186، خیبر پختونخواٹی 1 ہزار 242، اسلام آباد اٹی کل 175، بلوچستان اٹی 139، گلگت بلتستان اٹی 63 مرک مس وخت اس کہ تدوک آ 24 گھنٹہ ٹی اسہ ناجوڑ اس ہسپتال اٹی زوال کرے، آزاد کشمیر اٹ دا وائرس آن 61 مرک مسنے۔ داتم اسکان مچ آ ملک اٹی کوویڈ۔ 19 نا23 لکھ 63 ہزار 752 ٹیسٹ کننگا۔ مچ آ ملک اٹی کوویڈ۔ 19 نا ناجوڑ آتا درمان کن جتا 735 ہسپتال آتیٹی 1 ہزار 216 ناجوڑ درمان مننگ ءُ۔
