وزیر خارجہ مخدوم شاہ محمود قریشی اِرادے ئی سرکاری دورہ غا چین آ روانہ، ’’پاک چین اسٹریٹجک مذاکرات‘‘نا ارٹ میکو دور اٹی پاکستانی ڈل انا کماشی ءِ کیک

اسلام آباد۔ 20 اگست (اے پی پی) وزیر خارجہ مخدوم شاہ محمود قریشی اِرادے ئی سرکاری دورہ غا پنچ شنبے نادے آ چین آ روانہ مس۔ وزیر خارجہ چین اٹی چینی سرکڑدہ غاتون اوڑدہی کیک۔ وزیر خارجہ چین اٹی مروک آ ’’پاک چین اسٹریٹجک مذاکرات‘‘ نا ارٹ میکو دور اٹی بشخ ہلنگ و پاکستانی ڈل انا کماشی ءِ کیک وخت اس کہ چینی ڈل انا کماشی ءِ چین نا وزیر خارجہ وانگ ژی کیک۔ دامذاکرات اٹی پاک چین اقتصادی راہداری فیز۔ II اتون اوار چندی بشخ آتیٹی ہڑتوم آ کنڈآتا کمکاری ءِ مون آ دننگ نا بابت گپ وتران مریک۔ یات سلے کہ پاک چین اسٹریٹجک مذاکرات نا اولیکو دور مارچ اٹ اڈ ہلکوسس۔ وزیر خارجہ مخدوم شاہ محمودقریشی کوروناوائرس نا جہانی دین آن پد چین نا دورہ ءِ کروک آ اولیکو سیاسی راہشون ءِ۔