وزیراعظم عمران خان پنچ شنبے نادے آ صوبہ خیبر پختونخوا نا ہر خاہوت ءِ جان جوڑی انصاف کارڑد انا فراوانی نا پروگرام نا بناءِ کیک

اسلام آباد۔ 20 اگست (اے پی پی) وزیراعظم عمران خان پنچ شنبے نادے آ صوبہ خیبر پختونخوا نا ہرخاہوت ءِ جان جوڑی انصاف کارڈ انا فراوانی نا پروگرام نا بناءِ کیک۔ وزیراعظم آفس نا میڈیا ونگ آن جاری بیان نا رداٹ اینو السی وعدہ غاتا پوروی نا بابت اہم ءُ دے اسے۔ صوبہ خیبر پختونخوا ملک انا اولیکو صوبہ ءِ ہراڑے ہر خاہوت ءِ جان جوڑی انصاف کارڈ تننگ انگ ءِ۔ جان جوڑی انصاف کارڈ انا سوب آن ہر خاہوت ءِ سرکاری و نجی ہسپتال آتیٹی درمان نا رداٹ دہ لکھ روپئی اسکان نا خڑچ آتا مفت آسراتی دُوبریک۔ جان جوڑی انصاف کارڈ انا فراوانی نا اولیکو مرحلہ ٹی صوبہ نا چِل درسد آبادی دا آسراتی آن فائدہ ہرفیرہ۔ الس نا کنڈآن جان جوڑی انصاف کارڈ انا پبی است بڈی ءِ مون آ تخسا وزیراعظم عمران خان پارت کرے کہ دا پروگرام نا دنگءِ ودفنگے تانکہ ہر خاہوت دا آسراتی آن فائدہ ہرفے۔