پاک سعودی یوکئی ءَ اچ کشاں چیل نیست، اسرائیل ءَ را منگ ءِ اچ جیڈھ چار ءُ بچار کنگ نہ بوھگ ءَ انت، بھارت ءَ مقبوضہ کشمیر ءَ را دگنیا ءِ درستاں چہ مستریں کیز خانہ ءِ تہ ءَ مٹ کتگ، ترجمان درئی کارانی کارگس

اسلام آباد ۔ 20 اگست (اے پی پی) درئی کارنی کارگس ءِ ترجمان زاہد حفیظ چوہدری ءَ گوشت کہ پاکستان ءُ سعودی عرب ءِ نیام ءَ یکوئی ءِ تہ ءَ کشاں چیل نیست انت، سعودی عرب ءِ گوما مئے مھکمیں یکوئی است انت، پاکستان حرمین شریفین ءِ رکھینگ ءِ واستہ جزمیگ انت، اسرائیل ءَ را منگ ءِ اچ وڑیں جیڈھ چار ءُ بچار ءِ تہ ءَ نیست انت، فلسطین ءِ ھوالگ ءَ پاکستان ءِ بن گپ ءَ اچ وڑیں مٹ ءُ بدلی نیست انت، بھارت مقبوضہ کشمیر ءَ را دگنیا ءِ درستاں چہ مستریں جیل ءِ تہ ءَ مٹ کتگ۔ پنچ شمبے ءَ ھمک ھپتگی بریفنگ ءِ ساھت ءَ ترجمان ءَ گوشت کہ پاکستان ءُ سعودی عرب ءِ نیام ءَ مدام جوانیں ءُ نزیکیں یکوئی بوتگ انت ایش یکجاھی نیک راھ، دود ءُ ربیدگ ءُ چاگردی سیادی آنی مھکمیں ریشگ آنی بنیات ءِ سر ءَ انت۔ ترجمان ءَ گوشت کہ پاکستان ءُ سعودی عرب ءِ نیام ءَ یکوئی ءَ اچ کشاں چیل نیست، سعودی عرب ءِ گوما مئے مھکمیں یکوئی است ءُ پاکستان حرمین شریفین ءِ رکھینگ ءِ واستہ جزمیگ انت۔ ترجمان ءَ گوشت کہ مزن وزیر عمران خان ءِ پاک سعودی یکوئی آنی ھوالگ ءَ استیں میڈیا ریمارکس ءُ چیف آرمی سٹاف جنرل قمر جاوید باجوہ ءِ زوتیں بوتگیں سعودی عرب ءِ تر ءُ تاب دوئیں براتیں ملک آنی نیام ءَ براتی ءُ نزیکیں رابطہ آنی تل پچیں درور انت۔ آئی ءَ گوشت کہ دوئیں ملک آنی نیام ءَ اقتسادی، سیاسی، سیکورٹی ءُ ملٹری ءَ ھوار توامیں تک ءَ مھکمیں یکوئی برجا انت۔