اسلام آباد ۔ 20 اگست (اے پی پی) مزن وزیر عمران خان ءَ گوشت کہ حکومت الس آناں جان سلامتی ءِ گہترین آسراتی ءِ پجاری ءِ واستہ ھمک رنگیں گامگیج کنگ ءَ انت، خیبر پختونخوا ءِ ھمک ھاندان ءَ را جان سلامتی انصاف کارڈ ءِ وسیلگ ءَ 10 لکھ کلدار مپت علاج ءِ آسراتی دیگ بیت، مالی مشکل آں ابید خیبر پختونخوا ءِ ھمک ھاندان ءَ را مپت علاج ءِ دستیابی آشوبی گامگیج ات، اوقاف ءِ زمین ءِ سر ءَ ہسپتال ءُ زانشتی ادارگ جوڑ کنگ ءِ واستہ سستائیں نیاد ءِ سر ءَ زمین پجاری کناں۔ اے ھیالانی درشانی آئی ءَ پنچ شمبے ءِ روچ ءَ خیبر پخترنخوا ءَ ھمک ھاندان ءَ را جان سلامتی انصاف کارڈ ءِ بنگیجی مراگش ءَ گوں گشتانک دیان ءَ کت۔ مزن وزیر ءَ گوشت کہ خیبر پختونخوا ءَ ھمک ھاندان ءَ را جان سلامتی انصاف کارڈ ءِ پجاری ءِ پد ءَ صوبائی حکومت ءَ را مبارک بات دیاں۔ اے پروگرام ءِ چیر دستی ءَ صوبگ آنی ھمک ھاندان ءَ را 10 لکھ کلدار مپت ءَ علاج ءِ آسراتی پجاری کنگ بیت۔ وھد ءِ گریب آنی واستہ کار کنگ بیت گڈا اللہ تعالیٰ ایشی یے تہ ءَ برکت مان کنت۔ آئی ء۔ گوشت کہ نادراھی ءِ علاج ءِ درگت ءَ گریب ھاندان آناں مزنیں کساس ءَ ھرچ ءُ درچ کنگ کپ ایت ءُ آئی یے توامیں جم کتگیں سامان بھا بنت ءُ ھلاس بنت۔ شدیکی ءُ بزگی ءِ سبب ءَ آ گریبی ءَ چہ اچبر آسودگی ءِ تہ ءَ ھوار کپت نہ کناں۔ مزن وزیر ءَ گوشت کہ شوکت خانم کینسر ہسپتال ھم الس ءِ ازمت ءِ واستہ جوڑ کنگ بوتگ۔ کورونا ھوپ ءِ سبب ءَ معاشی مشکل آنی گوما دیم پہ دیمی انت۔ بجٹ مشکل آں ابید خیبر پختونخوا ءِ ھمک ھاندان ءَ را مپت ءَ علاج ءِ دستیابی آشوبی گام ات۔ اے گامگگیج ءَ چہ مردم آناں علاج دودا ءُ درمان ءِ پڑ ءَ آسانی پیداک بیت۔ آئی ءَ گوشت کہ کوشست بیت کہ پنجاپ ءُ بلوچستان ءَ ھم ھمک ھاندان ءَ را مپت ءَ علاج ءِ آسراتی بہ رس ایت۔ آئی ءَ گوشت کہ سندھ حکومت اے منصوبگ ءِ سر ءَ گامگیج کنت۔ اے موہ ءِ سر ءَ محکمہ جان سلامتی خیبر پختونخوا ءُ سٹیٹ لائف انشورنس کارپوریشن ءِ نیام ءَ منوگری آنی سر ءَ دست چنگل جنگ بوت۔
