چیئرمین ایف بی آر ءَ مزن وزیر عمران خان ءَ را ایف بی آر ءَ جاڑی گیں گہتری کار ءُ انوگ ءَ تاں بوھوکیں دیمروئی کار آنی بابت ءَ سرپد کت
ملک ءَ ٹیکس کلچر ءِ دیمروئی، ٹیکس نہ دیوک آنی واستہ آسانی پیداک کنگ، کاروباری برات آناں آسراتی دیگ ءُ ایف بی آر ءَ را کرپشن ءَ چہ پاک کرنگ استیں حکومت ءِ اولی ترجی انت، ٹیکس ءِ گیشینگ، گرگ ءُ ریفنڈز آنی نظام ءَ آٹو میشن ءِ سر ءَ ھاسیں دلگوشی دیگ بہ بیت سیم سر آنی واکیہ توامیں کراسنگ پوائنٹس آنی جوانیں نگرانی ءِ واستہ انتظامی ءَ را دل یکیمی جوڑ کنگ بہ بیت، مزن وزیر عمران خان
اسلام آباد ۔ 20 اگست (اے پی پی) مزن وزیر عمران خان ئَ گوشت کہ ملک ءَ ٹیکس کلچر ءِ دیمروئی، ٹیکس دیوک آنی واستہ آسانی پیداک کنگ، کاروباری برات آنی رکھینگ ءَ را دور کنگ ءُ ایف بی آر ءَ لٹ ءُ پُل کنوکیں مردم آں چہ پاک کنگ استیں حکومت ءِ اولی ترجی انت، مردم، کمپنی ءُ ھاسیں رنگ ءَ کسانیں ءُ درنیامی درجگ ءِ کمپنی آںی واستہ ٹیکس فار ءَ را ترجی داتگیں بنیات آنی سر ءَ آسانی جوڑ کنگ بہ بیت۔ اے ھیالانی درشانی آئی ئَ فیڈرل بورڈ آف ریونیو ءَ جاڑیگیں گہتری کار آنی ھولگ ءَ چار ءُ تپاسی دیوان ء، سروکی ءَ کنان ءَ کت۔ دیوان ءَ وزیر برائے صنعت محمد حماد اظہر، وزیر ءِ اھوالکاری سینیٹر شبلی فراز، وزیر برائے منصوبگ بندی اسد عمر، مشیر ھزانگ ڈاسکٹر عبدالحفیظ شیخ، شمیر تجارت عبدالرزاق دائود، مشیر برائے ادارگ آن گہتری کار ڈاکٹر عشرت حسین، ھاسیں کمکار لیفٹننٹ جنرل (ر) عاصم سلیم باجوہ ، ایندگر کلانہ ایں اپسرگ آں بھر زوری کت۔ چئیرمین ایف بی آر ءَ مزن وزیر ءَ را ایف بی آر ءَ جاڑیگیں گہتری ءُ انوگ ءَ تاں بوھوکیں دیمروئی کار آنی بابت ءَ سرپد کت۔ اے گہتری کار آںی مول ءُ مراد ادارگ ءِ تہ ءَ ساپ ءُ سلہ ئی دل یکیمی کنگ بہ بیت، ٹیکس ءِ نظام ءَ را آسان جوڑ کنگ، آٹومیشن سہرا کنگ، ٹیکس بیس ءِ تہ ءَ گیشی کنگ ءُ کاروباری برات آنی واستہ ھمک رنگیں آسراتی آناں دل یکیمی جوڑ کنگ انت۔ مزن وزیر ءَ دیوان ءَ گوں گشتانک دیان ءَ گوشت کہ ملک ءَ ٹیکس کلچر ءِ دیمروئی، ٹیکس دیوک آنی واستہ آسانی پیداک کنگ ، کاروباری برات آنی رکھینگ ءَ را دور کنگ ءُ ایف بی آر ءَ را لٹ ءُ پل کنوک آں چہ پاک کنگ استیں حکومت ءِ اولی ترجی داتگیں کار انت۔ آئی ءَ گوشت کہ ٹیکس ءِ گیشینگ، گرگ ءُ ریفنڈز آنی نظام ءَ آٹومیشن ءِ سر ءَ ھاسیں دلگوشی دیگ بہ بیت۔ اے رد ءَ مزن وزیر ءَ پنت ءُ شون کت کہ مردم، کمپنی ءُ ھاسیں رنگ ءَ ھاسیں ءُ درنیامیں درجگ ءِ کمپنی آنی واستہ ٹیکس فارم ءَ را ترجی داتگیں بنیات ءَ آسان جوڑ کنگ بہ بیت۔ ایف بی آر ءِ جتا جتائیں شوبگ آنی تہ ءَ جاڑیگیں گہتری ءِ ھوالگ ءَ مزن وزیر ءَ پنت ءُ شون کت کہ سیم سر آنی گیشینگ ءِ گوما ایشی یے در جنگ ءِ واستہ ٹائم لائنز گیشینگ بہ بیت ءُ ایشی ءِ سر ءَ دیمروئی رپوٹ پیش کنگ بہ بیت۔ سیم سر آنی وسیلگگ ءَ اسگلنگگ ءِ گر ءُ دار ءِ ھوالگ ءَ جوانیں گامگیج ارزشت ءِ سر ءَ زور پر دیان ءَ مزن وزیر ءَ چئیرمین ایف بی آر ءَ را پنت ءُ شون کت کہ سیم سر آنی سر ءَ استیں توامیں کراسنگ پوائنٹس ءِ جوانیں نگرانی ءِ واستہ انتظامی آناں دل یکیمی جوڑ کنگ بہ بیت۔
