اسلام آباد ۔ 19 اگست (اے پی پی) بنجاھی ءَ گوشت کہ مزن وزیر عمران خان ءِ سروکی ءَ ملک دیمروئی ءِ کشک ءَ رھادگ انت، ھرابیں وھد گوستگ وشھالی ءِ زمانگ بندات بوتگ، کیاسگری ، ساپ ءُ سلہ ئی، میرٹ ، وت مستری، سرمایہ کاری ءِ دیمروئی ، روزگار ءِ موہ آناں ودینگ ءُ ھاٹیگ ءُ معیشت ءِ شوبگ ءِ دیمروئی حکومت ءِ بنجاھ ءُ سیم سر انت،۔ ففتھ جنریشن وار ءِ سیم سر ملک ءَ نہ وشی ءُ ناامیدی پیداک کنگ انت، اپوزینش الس ءِ اندر ءَ مایوسی شنگ ءُ تالان کنگ لوٹ ایت، الس مئے گوما انت، توامیں پندل آناں یکجاھ باں ءُ ناکام کناں۔ حکومتی گامگیج سہرا بوھگ ءَ انت۔ مزن وزیر ءَ ساپ ءُ سلہ کتگ کہ ملک ءَ کانود ءِ سروکی ءَ را دل یکیمی جوڑ کنگ بیت۔ چار شمبے ءِ روچ ءَ بنجاھی وزیر اھوالکاری ءُ شنگ کاری سینیٹر شبلی فراز، بنجاھی وزیر رسانک مراد سعید، بنجاھی وزیر سائنس اینڈ ٹیکنالوجی فواد چوہدری، بنجاھی وزیر بنی آدمی ھک شیریں مزاری، بنجاھی وزیر صوبگ آنی وت مہ وتی نزیکیں کنوک فہمیدہ مرزا، مزن وزیر ءِ ھاسیں کمکار برائے پٹرولیم ندیم بابر ءُ مزن وزیر ءِ ھاسیں کمکار توان شہزاد قاسم ءِ ھمبراھی ءَ حکومت ءِ دو سالی کار کرد ءِ دومی بھر ءِ رچ ءَ برجم داشتگیں پریس کانفرنس ءَ گوں مڈاھ داریں راجی سروک گشتانک دات۔
