مزن وزیر عمران خان ءِ ملک ءَ سیل ءُ سواد ءِ دیمروئی ءِ واستہ چست کتگیں گامگیج آنی بابت ءَ چار ءُ تپاسی دیوان ءَ گوں گشتانک
اسلام آباد ۔ 19 اگست (اے پی پی) مزن وزیر عمران خان ءَ ملک ءَ سیل ءُ سواد ءِ دیرموئی ءُ جوڑیشت ءُ دیمروئی ءِ واستہ گامگیج ءُ منصوبگ آنی زوت بنگیج کنگ ءِ پنت ءُ شون کنان ءَ گوشت کہ ملک ءَ جتا جتائیں نمونگ ءِ سیل ءُ سواد ءِ دیمروئی ءَ چہ معاشی کار آنی تہ ءَ گہتری کئیت ءُ ھندی آباتی آنی واستہ نوکری ءُ روزگار ءِ موہ آنی تہ ءَ جوانیں گیشی یے بیت۔ اے ھوالگ ءَ سرکاری ملکیتی ماڑی آنی تہ ءَ جوانیں رنگ ءَ چست کتگیں گامگیج آنی تہ ءَ گیش گہتری کنگ بیت۔ اے ھیالانی درشانی آئی ءَ چار شمبے ءَ ملک ءَ سیل ءُ سواد ءِ دیمروئی ءِ واستہ چست کتگیں گامگیج آنی ھوالگ ءَ مزن تکی چار ءُ تپاسی دیوان ءِ سروکی ءَ کنان ءَ کت۔ دیوان ءَ وزیر برائے زرئی کار سید علی حیدر زیدی، سر وزیر پنجاپ سردار عثمان بزدار، سر وزیر خیبر پختونخوا محمود خان، ھاسیں کمکار لیفٹیننٹ جنرل (ر) عاصم سلیم باجوہ، سیّد ذوالفقار عباس بخاری، ڈاکٹر شہباز گل، سروزیر پنجاب ءِ مشیر آصف محمود، صوبائی چیف سیکرٹری صاحب ءُ ایندگر کلانہ ایں اپسرگ شریک اتنت۔ مزن وزیر میڈیا کارگس ءِ رد ءَ مزن وزیر ءِ داتگیں پنت ءُ شون ءِ پد ءَ ملک ءَ سیل ءُ سواد ءِ دیمروئی ءُ اے ھوالگ ءَ صوبگ آنی وت مہ وتی نزیکی ءُ کوآرڈینیشن ءَ را گہتر کنگ ءِ واستہ نیشنل کوآرڈینیشن کمیٹی برائے سیل ءُ سواد ءِ جوڑیشت ءِ پیسلہ کنگ بوت۔ مزن وزیر ءَ پنت ءُ شون کت کہ این سی سی ءِ دیوان یک شلی ءَ گوں برجم دارگ بہ بنت۔
