اسلام آباد ۔ 19 اگست (اے پی پی) مزن وزیر ءِ پنت ءُ شون ءِ پد ءَ محکمہ پولیس ءِ کار کرد ءِ پٹ ءُ پول ءِ بنگیج کنگ بوتگ، گیر زمہ واری ءِ درشان کنوک ءُ جوانیں کار کرد پیش نہ داروکیں اپسرگ آناں شوکاز نوٹس جاڑی کنگ بوتگ، پنجاپ ءِ 3 ڈی پی اوز آناں نوٹس کنان ءَ 7 روچ ءِ اندر ءَ پسو لوٹ کتگ۔ چار شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ سیٹیزن پورٹل ءِ سر ءَ شہری آنی جیڈھ آنی گیواری ءِ ھوالگ ءَ پولیس اپسرگ آنی کار کردی رپوٹ تیار بوتگ۔ آئی جی پنجاپ ءُ کیبر پختونخوا ءِ نیمگ ءَ رپوٹ مزن وزیر کارگس ءَ را رستگ ایشی ءِ رد ءَ گیر زمہ واری ءُ جوانیں کار کرد پیش نہ داروکیں اپسرگ آناں شوکاز نوٹسز جاڑی کنگ بوتگ۔ پنجاپ ءَ شاباش ھم داتگ۔ ڈی پی او منڈی بہاولدین ، ایس پی گلگشت ملتان ءُ ایڈیشنل آئی جی ایسپیشل برانچ ءِ کار کرد ءِ توسیپ کنگ بوتگ۔
