اسلام آباد۔ 19 اگست (اے پی پی) بنجاھی وزیر ءَ مزن وزیر عمران ءِ سروکی ءَ گیش وزارت آنی ھوالگ ءَ دو سالی کار کرد ءَ را الس ءِ دیم ءَ پیش کتگ، وزارت ءِ رسانک ءَ دو سال آنی تہ ءَ 750 ملین ءِ بچت کت، پبلک پرائیویٹ پارٹنر شپ پروگرام ءِ چیر دستی ءَ موٹر ویز آنی نیٹ ورک ءَ را گیش ودینگ بوھگ ءَ انت، کوویڈ 19 ءِ واستہ ماسک، وینٹیلیٹرز، سینٹائزر ءُ زاتی رکھینگی ساز ءُ سامان (پی پی ایز) ءَ ھوار ایندگر ساز ءُ ساما ن ھندی تک ءَ تیار کنگ ءِ ازم در جتگ، مزن وزیر ءَ یک رنگ ءِ پد ءَ شاھیگان کتگ کہ کانود ءِ سروکی دل یکیمی جوڑ کناں، وشھالی ءِ دور ءُ باریگ بندات بوتگ، جوانیں آسر دیم ءَ سہرا بوھگ ءَ انتت، مزن وزیر ءِ وژن ءِ رد ءَ کیاسگری، ساپ ءُ سلہ ئی، میرٹ ءُ وت مستری ءِ واستہ واھشت ایگ انت۔ اے ھیالانی درشانی آنی ءَ بنجاھی وزیر اھوالکاری ءُ شنگ کاری سینیٹر شبلی فراز، بنجاھی وزیر رسانک مراد سعید، بنجاھی وزیر سائنس اینڈ ٹیکنالوجی فواد چوہدری ، بنجاھی آپی آسراتی فیصل واڈا، بنجاھی وزیر بنی آدمی ھک رسانی شیریں مزاری، بنجاھی وزیر ھاٹیگ عمرا یوب ، بنجاھی وزیر زرئی کار علی زیدی ءَ پی آئی ڈی ءَ یکجاھی پریس کانفرنس ءَ گوں گشتانک دیان ءَ کت۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ مئے جمہوری فرض انت کہ الس آناں وتی کار کرد ءَ گوں سر پد بکن آں، ففتھ جنریشن وار ءِ سیم سر ملک ءِ اندر ءَ نہ وشی ءُ بے ایمنی پیدا کنگ انت۔ آئی ءَ گوشت کہ اپوزین الس ءِ اندر ءَ مایوسی ءُ بے ایمنی پیداک کنگ لوٹ ایت۔ الس مئے گوما انت، توامیں پندل ساچ ناکام بنت، مزن وزیر ءَ یک رنگ ءِ پدا سہرا کت کہ کانود ءِ سروکی ءَ را دل یکیمی جوڑ بکن آں، وشھالی ءِ دور ءُ باریگ بندات بوتگ، جوانیں سیت دیم ءَ سہرا بوھگ ءَ انت۔ بنجاھی وزیر مراد سعید ءَ گوشت کہ مزن وزیر ءِ وژن ءِ رد ءَ کیساسگری، ساپ ءُ سلہ ئی، میرٹ ءُ وت مستری ءِ واستہ واھشت ایگ آں۔ وزارت ءِ رسانک ءَ ساپ ءُ سلہ ئی ءِ واستہ ای ٹیکنالوجی ءَ را دیمروئی دیگ ءَ آں۔ وزارت ءِ رسانک ءَ 750 ملین کلدار ءِ بچت کنگ بوتگ، وت مستری ءِ واستہ جھلانکی ءَ گوں دلگوشی انت۔ مئے دور ءُ باریگ ءَ دگ آنی تہءَ منصوبگ آنی سر ءَ 48۔2 درسد گیشی کار بوتگ۔ روزگار ءِ موہ ءُ سرمایہ کاری ءِ دیمروئی ءِ واستہ پبلک پرائیوٹ پارٹنر شپ ءِ گامگیج آناں وتی کتگ۔ آئی ءَ گوشت کہ سیالکوٹ – روالپنڈی، کرچی – چمن – کوئٹہ ءَ ھوفار ھشت منصوبگ آنی سر ءَ کار بوھگ ءَ انت، وزات ءِ پوسٹل سروسز ءَ ھم آشوبی گامگیج کنگ بوتگ، محکمہ ڈاک ءَ نوکیں بازیں منصوبگ بندات کنگ بوتگ۔ آئی ءَ گوشت کہ موٹروے پولیس ءِ پیلپ لائن 130 ءِ سر ءَ رسپانس ٹائم کم کنان ءَ 2 منٹ ءِ سر ءَ آرگ ءَ آں، مزن وزیر ءِ وژن ءِ رد ءَ ادارگ آنی گہتری ءِ واستہ واھشت ایگ آں۔ بنجاھی وزیر سائنس اینڈ ٹیکنالوجی فواد چوہدری ءَ گوشت کہ کویڈ -19 ءِ ھلاپ ءَ ماسک، وینٹیلیٹرز ، سینٹائزر ءُ زاتی رکھینگی سامان آں ھوار ھندی رد ءَ تیار کنگ ءِ ازم در جتگ۔ بنجاھی وزیر صوبگ آنی وت مہ وتی نزیکی ڈاکٹر فہمیدہ مرزا ءَ گوشت کہ آئی ءِ وزار سی سی آئی ئِ سیکرٹریٹ ءِ زمہ واری آں پیلو کنگ ءَ انت، استیں حکومت ءَ اولی ترجی داتگیں کار آنی رد ءَ اے سیکرٹریٹ ءَ را سرجمیں رنگ ءَ برجا کتگ، 18 ھژدھمی مٹ ءُ بدلی ءَ چہ پد 8 شوبگ آنی تہ ءَ بنجاھ ءُ صوبگ یکجائی ءَ ریگولیٹ کناں، 18 مٹ ءُ بدلی ءَ چہ پد سی سی آئی ءِ مھکمیں فورم ءِ بوھگ المی بوتگ۔ آئی ءَ گوشت کہ ما چار سال ءِ رپوٹ تیار کتگ ایش آیوکیں دیوان ءَ پارلیمنٹ ءَ پیش کنگ بیت۔ بنجاھی وزیر شیریں مزاری، عمر ایوب ، فیصل واڈا، شیریں مزاری، عمر ایوب ءُ زرئی کار علی زیدی ءَ وتی وتی وزارت آنی ھوالگ ءَ کار کردی رپوٹ پیش کت۔
