آئی جی پنجاب نا گچین کارکڑد نشان تروک آ آفیسر آتے شاباش
اسلام آباد۔ 19 اگست (اے پی پی) وزیراعظم نا پارت آ محکمہ پولیس نا کارکڑد ءِ ہُننگ بناکرینے، غیر زمواری نا درشانی ءِ کروک آ و کارکڑد نشان تفروک آ آفیسر آتے شوکاز نوٹس جاری کننگانے، پنجاب نا 3 ڈی پی او ءِ اظہار وجوہ نا نوٹس کرسا 7 دے اٹی ورندی بٹنگا۔ چارشنبے نادے آ وزیراعظم آفس نا میڈیا ونگ آن جاری سرجم حوال آتا رداٹ سیٹیزن پورٹل آ شاری تا ویل آتا ایسری نا بابت پولیس آفیسر آتا کارکڑد رپورٹ اس تیار مسنے۔ آئی جی پنجاب و خیبر پختونخوا نا کنڈآن رپورٹ وزیراعظم آفس ءِ رسینگانے ہرانا بناء آ غیر زمواری و کارکڑد نشان تفروک آ آفیسر آتے شوکاز نوٹس جاری کننگانے۔ پنجاب نا 3 ڈی پی او ءِ اظہار وجوہ نا نوٹس کرسا 7 دے اٹی ورندی بٹنگا۔ ورندی تفننگ نا حالیت اٹ سخت کارروائی نا پارت ہم کننگانے۔ رحیم یارخان، ننکانہ صاحب و بھکر ڈی پی او تے نوٹس گدریفنگا۔ گچین کارکڑد نشان تروک آ آفیسر آتے آئی جی پنجاب شاباشی ہم تسنے۔ ڈی پی او منڈی بہاوالدین، ایس پی گلگلشت ملتان و ایڈیشنل آئی جی اسپیشل برانچ نا کارکڑد نا ستاءِ کننگا۔ خیبر پختونخوا نا 6 پولیس آفیسر آتے ہم ہیبدار کارکڑد آ اظہار وجوہ نا نوٹس جاری کننگانے۔ آئی جی کے پی کے دا آفیسر آتے وارننگ جاری کرینے۔ پنجاب نا 31 پولیس آفیسر ڈیلیوری یونٹ نا ریڈ کیٹیگری ٹی اوار ءُ۔ آئی جی پنجاب پولیس آفیسر آتے وارننگ ترسا کارکڑد ءِ گچین کننگ نا پارت کرینے۔
