سلاہکار واپار عبدالرزاق داؤد تون ازبکستان نا ناظم الامور نا اوڑدہی، ہڑتوم آ کنڈآتا واپاری و زرگزرانی تعلقداری تے مون آ دننگ، ازبکستان نا نائب وزیراعظم نا گمانی دورہ غا گپ وتران

اسلام آباد۔ 19 اگست (اے پی پی) سلاہکار واپار عبدالرزاق داؤد تون ازبکستان نا ناظم الامور اوڑدہی کرینے۔ سلاہکار واپار چارشنبے نادے آ تینا ٹویٹ اٹی پارینے کہ وزارت واپار اٹی مروک آ اوڑدہی ٹی ہڑتوم آ کنڈآتا واپاری و زرگزرانی تعلقداری تے مون آ دننگ آ ہیت مسنے۔ اومستی پارے کہ اوڑدہی ٹی ازبکستان نا نائب وزیراعظم نا ستمبر اٹ پاکستان نا گمانی دورہ غاہم گپ وتران مس۔ سلاہکار واپار پارے کہ دورہ ٹی ازبکستان تون واپار و ڈغاری، ہوائی و ریل انا کمک اٹ رابطہ غاتے ودفنگ آ ہیت مریک وخت اس کہ سیالکوٹ انٹرنیشنل بالی پٹ انا کمک اٹ واپار آ ہم سجفنگک۔