اسلام آباد۔ 19 اگست (اے پی پی) پاکستان تحریک انصاف نا حکومت اِراسال اٹی چین پاکستان اقتصادی راہداری (سی پیک) ڈٹ آتے خصوصی اہمیت تسنے، ڈٹ انا ارٹ میکو مرحلہ نا بناءِ کرے و پوسکن آ بشخ آتے داٹی اوار کرے۔ سی پیک نا رداٹ خصوصی اقتصادی زون تیا ترندی اٹ کاریم کرے۔ حکومت نا اِراسال انا کارکڑد رپورٹ نا رداٹ وزارت ڈٹ بندی، شونداری و خصوصی گام گیج نا کنڈآن چندی پوسکن ءُ گام گیج کننگانے۔ صنعتی کمکاری نا رداٹ 2019-20ء ٹی اہم پیش رفت مسوسس انتئے کہ داسال علامہ اقبال انڈسٹریل زون نا وزیراعظم بناءِ کریسس۔ نیز، رشکئی زون نا شونداری معاہدہ ءِ اینخو سال اٹ منظور کننگاسس۔ پین داکہ 2020-21ء ٹی سی پیک نا رداٹ ہرمسٹ آ اولیتی اکنامک زون اٹ انفراسٹرکچر ءِ مرحلہ وار تیار کننگک و پبلک سیکٹر ڈویلپمنٹ پروگرام (پی ایس ڈی پی) نا رداٹ المی آسراتی فراوان کننگک۔
