اسلام آباد۔ 19 اگست (اے پی پی) بنجائی وزیر انفارمیشن ٹیکنالوجی سید امین الحق پارینے کہ پاکستان نا آئی ٹی و ٹیلی کام نا برآمدآک 95 کروڑ ڈالر آن ودسا اسہ ارب 30 کروڑ ڈالر اسکان سرمسنو، نن زوت میڈان پاکستان موبائل فون دننیا ٹی درستی راستی کرفینہ۔ کوروناوائرس نا دین آن پد ہم پاکستان نا آئی ٹی مصنوعات آتا برآمد آتیٹی ودکی مس۔ پاکستان نا خزانہ ءِ زیات مالیات دوئی مس۔ 57 درسد آئی ٹی مصنوعات امریکہ ءِ برآمد کننگ انگ ءِ۔ بنجائی دارالحکومت اٹ اکتوبر اٹ انفارمیشن ٹیکنالوجی پارک انا بناءِ کینہ ، پاکستان اٹ آئی ٹی سیکٹر اٹ لائخی تا کمتی اف، بروک آ مسہ سال اٹی آئی ٹی برآمد آتا ہدف 5 ارب ڈالر مقرر کننگانے۔ داخیال آتا درشانی ءِ او چارشنبے نادے آ ہندی ہوٹل اٹ تینا ذیلی ادارہ پاکستان سافٹ ویئر ایکسپورٹ بورڈ انا کنڈآن آئی ٹی ایکسپورٹ ایوارڈز 2019ء نا بشخنگ نا دود آن تران کرسا کرے۔ دود اٹی بنجائی سیکرٹری آئی ٹی شعیب احمد صدیقی، پی ایس ای بی نا منیجنگ ڈائریکٹر عثمان ناصر تون اوار آئی ٹی چاہندار و وزارت آئی ٹی نا کمامدارآک بشخ ہلکر۔ دود اٹی آئی ٹی ایکسپورٹ اٹ نمان کارکڑد نشان تروک آ کمپنی تے ایوارڈ تننگا۔ دود آن تران کرسا پارے کہ آئی ٹی برآمد آتیٹی ودکی پاکستان سافٹ ویئر بورڈ انا منتواری ءِ۔ آئی ٹی برآمد آتیٹی ودکی آن قومی خزانہ ٹی کٹیا تا زر آتیٹی ودکی مس۔ اوپاکستان سافٹ ویئر بورڈ انا منیجنگ ڈائریکٹر عثمان ناصر ءِ مخاطب کرسا پارے کہ آئی ٹی پارک آتا جوڑ کننگ کن وزارت ڈٹ بندی تون اواری اٹ کوشست کننگے۔ آئی ٹی پارک آتا تفنگ اٹ اڑاند آتے دمدستی وڑاٹ مُرکے۔اوپارے کہ بھاز زوت پاکستان اٹ تھری جی فورجی موبائل فون جوڑ مننگ بناکیک، مستین اٹ گاڈی تا ہندی کہول آ تیاری نا موکل تفرسا غلطی کننگا ولے وزارت آئی ٹی داوڑنا ردینک کپک۔ پاکستان اٹ زوت میڈان پاکستان موبائل فون تا تیاری نا بناءِ کننگک۔
