اسلام آباد ۔ 17 اگست (اے پی پی) دری کارانی وزیر شاہ محمود قریشی ءَ گوشت کہ پاکستان سری لنکا ءِ گوما دودیمی سیادی ءَ را باز ارزشت دیگ انت۔ دوئیں ملکاں ہروھد ہر گرانیں وھد ءِ تہ یک دومیگ ءَ گوں کمک کتگ۔اے گپ آہاں پاکستان ءِ تہ داشتگیں سری لنکا ءِ ہائی کمشنر وائس ایڈمرل (ر) موہن وجے وکرما ءِ گوما گپ ءُ تران کنان ءَ کتگ انت آہاں دوشمبے ءَ آئی ءِ گوما دری کارانی کارگس ءِ تہ گند ءُ نند کتگ۔گپ ءُ تران ءِ وھد ءَ دودیمی سیادی ءِ پراھی ءِ ھوار وت مہ وتی دلچسپی ءِ معاملہ ءِ لہتیں معاملہانی سرا ھیال ریچی کتگ۔دری کارانی وزیر ءَ ہائی کمشنر ءِ اگدھ سمبھالگ ءِ سرا سری لنکن سفیر ءَ را مراد باتی داتگ ءُ گوشت کہ پاکستان سری لنکا ءِ گوما دودیمی سیادی ءَ را جہلانکیں ارزشت دیگ انت۔امیت انت کہ شمے تعیناتی ءَ چہ دودیمی سیادی ءُ لہتیں تکانی تہ دو دیمی کمک ءَ گیش پراھی رسیت۔ شاہ محمود قریشی ءَ گوشت کہ دوئیں ملکاں ہروھد یک دومیگ ءِ گوما کمک کتگ۔ دری کارانی وزیر ءَ سری لنکا ءِ تہ انوگیں گچینکاری ءِ آسر ءَ مزن وزیر مہیندا راجہ پکاسا ءُ آئی ءِ گلے سوبمندی ءِ سرا مرادبات داتگ ءُ نیکیں واھشتانی درشان کتگ۔
