اسلام آباد ۔ 17 اگست (اے پی پی) دری کارانی وزیر مخدوم شاہ محمود قریشی ءَ گوشت کہ سفارتی چینلز ءِ ادراک ءِ ھاترا تھنک ٹینکس ءِ کرد الم انت۔مئے تھنک ٹینکس ءَ را میاں اوستمانی ءُ دمگی تھنک ٹینکس ءِ گوما رھوت گیش کنگ ءِ ضلورت انت۔آں دوشمبے ءَ دری کارانی کارگس ءِ تہ انسٹیٹیوٹ آف سٹرٹیجک سٹڈیز اسلام آباد ءِ محققین ءِ دیوان ءَ سروکی کنگ ات۔سیکرٹری خارجہ سہیل محمود، سپیشل سیکرٹری معظم احمد خان ءُ دری معاملہانی کارگس ءِ ٹوھیں افسرھم ساڑی اتنت۔ ڈائریکٹر جنرل (آئی ایس ایس آئی) ایمبیسڈر (ر) اعزاز چوہدری ءَ وژن 2020-23ءءِ ھوالہ چہ دری کارانی وزیر ءَ را سرجمیں بریفنگ داتگ۔ شاہ محمود قریشی ءَ گوشت کہ انسٹیٹوٹ آف سٹرٹیجک سٹڈیز ءِ کِر ءَ گہتریں محقق انت ایشاں چہ نپ چست کنان ءَ سفارتی لیول ءِ سرادیم چیلنجز ءَ گوں دیم دیگ ءِ تہ کمک رسیت۔دری کارانی وزیر ءَ انسٹیٹیوٹ آف سٹرٹیجک سٹڈیز اسلام آباد ءِ کارکردگی ءَ را ساڑان گوشت کہ تحقیق ءِ معیار ءَ راگہتر کنگ ءِ ھاترا وتی ءُ دری کارانی وزارت ءِ نیمگا چہ سرجم کمک ءِ سدکی داتگ۔
