اسلام آباد ۔ 17 اگست (اے پی پی) بنجاہی وزیر برائے توان ءُ پیترولیم عمر ایوب خان ءَ گوشت کہ حکومت ہمک شوبگ ءِ تہ کارکردگی ءَ را چاران ءَ اپوزیشن چیکگ انت۔پیسریگیں حکومتاں توانائی ءِ تک ءَ را گہتر جوڈ کنگ ءِ ھاترا ہچ مہ کتگ۔توان ءِ تک ءِ تہ گہترکاری ءُ کنزیومرز ءِ تاں توان ءِ پھجارگ ءِ سسٹم ءَ را گہتر کنگ ءَ چہ صنعت ءَ را نپ رسیت۔گہترکاری ءَ چہ سرکیولر ڈیٹ ءِ تہ کمی کائیت۔آئی پی پیز ءِ گوما توان ءِ پیداواری ھرچ ءِ ھوالہ چہ معاہدہ بوتگ انت۔توان پیدا کنوکیں سرکاری کمپنی ھم وتی ریٹس ءِ سرا نظرثانی کن انت۔اے ھیالانی درشان آہاں مزن وزیر ءِ ھاسیں کمکاربرائے توان شہزاد قاسم ءِ ہمبراہی ءَ پریس کانفرنس ءَ گوں تران کنان ءَ کتگ انت۔ عمر ایوب خان ءَ گوشت کہ توان ءِ ھرچ ءِ تہ کمی حکومتی گہترکاری ءِ بھر انت۔ٹرانسمیشن سسٹم ءَ را گہتر کنگ ءِ ھاترا ھم گامگیج ءِ تہ ترندی آرگ بوھگ انت۔آہاں گوشت کہ گوستءِ حکومت ءَ توان ءِ شوبگ ءِجیڈھانی سرا کدی ھم دلگوشی نہ داتگ۔
