ایم ایل ون ڈٹ سی پیک نا غٹ آن اہم و کلیدی ڈٹ ءِ، دا ڈٹ آن راجی و زرگزرانی شونداری نا پوسکن ءُ دور اس بناکیک، ہزار آ ملازمت ودی مریک، صنعتی عمل ءِ مون آ دننگک، الس ءِ سفرو مال برداری نا گچین آسراتی دوبریک، وزیراعظم عمران خان نا ایم ایل ون (مین لین ون) ڈٹ انا بابت دیوان آن تران

اسلام آباد۔ 17 اگست (اے پی پی) وزیراعظم عمران خان پارینے کہ ایم ایل ون ڈٹ سی پیک نا غٹ آن اہم و کلیدی ڈٹ ءِ ، ایم ایل ون ڈٹ آن راجی و زرگزرانی شونداری نا پوسکن ءُ دور اس بناکیک، ایم ایل ون ڈٹ آن الس ءِ سفر و مال برداری نا گچین آسراتی دُوبریک۔ وزیراعظم آفس نا میڈیا ونگ آن جاری بیان نا رداٹ داخیال آتا درشانی ءِ او تینا کماشی ٹی ایم ایل ون (مین لین ون) ڈٹ انا بابت دیوان آن تران کرسا کرے۔ دیوان اٹی ایم ایل ون (مین لین ون) ڈٹ انا بابت حوال تننگا۔ دیوان اٹی وزیر ریلوائی شیخ رشید احمد، وزیر ڈٹ بندی اسدعمر، سلاہکار خزانہ ڈاکٹر عبدالحفیظ شیخ، چیئرمین سی پیک اتھارٹی و خصوصی کمکار لیفٹیننٹ جنرل (ر) عاصم سلیم باجوہ و سینئر آفیسر آک ساڑی ئسر۔ وزیراعظم ءِ ایم ایل ون ڈٹ، پروجیکٹ آ عملدرآمد نا بابت تخوک آ ٹائم لائنز، داتم اسکان مروک آ پیش رفت و ڈٹ انا بھرم تیاسرجم حوال تننگا۔ دیوان اٹی وزیراعظم عمران خان پارے کہ ایم ایل ون ڈٹ سی پیک نا غٹ آن اہم و کلیدی ڈٹ ءِ۔ ایم ایل ون ڈٹ آن نئے بیرہ ریلوائی نا نظام پوسکن و سوگو مریک بلکن دا ڈٹ آن کسبکار و تربیت یافتہ بندغ آتیکن نوکری تا ہزار آ وارخواہی ودی مریک و صنعتی عمل ءِ مون آ دننگک۔ اوپارے کہ ایم ایل ون ڈٹ آن الس ءِ سفر و مال برداری نا گچین آسراتی دُوبریک۔ ایم ایل ون ڈٹ آن کاروباری برادری کن ہراڑے کاروبار اٹی آسانی ودی مریک ہموڑے کاروباری خڑچ اٹی پیدوار کمتی اس بریک۔ وزیراعظم پارے کہ ایم ایل ون ڈٹ آن راجی و زرگزرانی شونداری نا پوسکن ءُ دور اس بناکیک۔ شونداری ڈٹ آتا اولیت آتا تعین اٹ ننا رداٹ الس نا راجی آسراتی و ملک انا شونداری ءِ۔