اسلام آباد۔ 17 اگست (اے پی پی) وزیراعظم عمران خان ءِ دوشنبے نادے آ ایم ایل ون(مین لین ون) ڈٹ انا بابت سرجم حوال تننگا۔ وزیراعظم آفس نا میڈیا ونگ آن جاری بیان نا رداٹ وزیراعظم عمران خان نا کماشی ٹی ایم ایل ون (مین لین ون) ڈٹ انا بابت دیوان اس اڈ ہلک ہراٹی دیوان اٹی وزیر ریلوے شیخ رشید احمد، وزیر ڈٹ بندی اسد عمر، سلاہکار خزانہ ڈاکٹر عبدالحفیظ شیخ، چیئرمین سی پیک اتھارٹی و خصوصی کمکار لیفٹیننٹ جنرل(ر) عاصم سلیم باجوہ و سینئر آفیسر آک ساڑی ئسر۔ دیوان اٹی وزیراعظم ءِ ایم ایل ون ڈٹ، ڈٹ آ عملدرآمد نا بابت تخوک آ ٹائم لائنز، داتم اسکان مروک آ پیش رفت و ڈٹ انا بھرم تیا سرجم حوال تننگا۔
