پاکستان دنیا نا سیل و سواتی تیکن پرکشش ءُ مزل اس جوڑ مس
اسلام آباد۔ 17 اگست (اے پی پی) بنجائی وزیر حوالکاری و شینکاری سینیٹر شبلی فراز پارینے کہ پاکستان مچ آ دنیا نا سیل و سواتی تیکن اسہ پرکشش ءُ مزل اس جوڑ مسنے، سیل و سواتی ہند آتیا 100 درسد بکنگ داہیت انا شاہدی ءِ کہ پاکستان اٹی سیل و سوات نا صنعت پدریسہ مون آ ہِننگ ءِ۔ داخیال آتا درشانی ءِ او دوشنبے نادے آ تینا ٹویٹ اٹی کرے۔ وزیر حوالکاری پارے کہ دا زرگزرانی سرجز و الس نا بحال مروک پت انا پیدوار درشانی ءِ۔ اوپارے کہ الس ایس او پی تیا ضرور عملدرآمد کیر۔
