اسلام آباد۔ 17 اگست (اے پی پی) بنجائی وزیر ڈٹ بندی شونداری، اصلاحات و خصوصی گام گیج اسد عمر نا کماشی ٹی نیشنل کمانڈ اینڈ آپریشن سینٹر(این سی اوسی) نا دیوان دوشنبے نادے آ اڈ ہلک۔ دیوان اٹی پاننگاکہ محرم الحرام اٹی الس نا جان جوڑی نا رکھ ءِ پک کننگ کن گام گیج آتا بارواٹ پاننگاکہ غٹ اسٹیک ہولڈر آتون سلابت آن پد ہیلتھ گائیڈ لائنز و پروٹوکول آتیا تالان سرجم پلان آف ایکشن ءِ نافذ کننگانے۔ بنجائی وزیر اسد عمر غٹ اسٹیک ہولڈر آتے پارت کرے کہ دین ءِ تالانی آن توننگ کن غٹ المی گام گیج آتیا عملدرآمد تون اوار اوار داہیت ہم اہم ءِ کہ دا گام گیج آتا خلاف ورزی تیا جرمانہ و سزاءِ ہم پک کننگے۔ بنجائی وزیر اسد عمر خاص وڑاٹ ماسک بِیننگ و راجی فاصلہ ءِ برقرار تخنگ آ زور شاغسا پارے کہ زیات اہم ہیت دادے کہ خاص وڑاٹ قطبی علاقہ غاتیا ہنوک آ سیل و سواتی تا موبائل ٹیسٹنگ کمپنی تا کمک اٹ سپاٹ ٹیسٹنگ ءِ کننگے۔ فورم ءِ پاننگاکہ ناجوڑی تا مون ءِ توننگ کن ٹی ٹی کیو نا حکمت عملی نا رداٹ مچ آ پاکستان اٹی جم وڑاٹ 27 ٹارگٹڈ لاک ڈاؤن برجاءِ۔
