کوئٹہ۔ 17 اگست (اے پی پی) وزیراعلیٰ بلوچستان جام کمال خان پارینے کہ پولیو مہم ءِ سرسہب کرسا صوبہ نا جان جوڑ آخبت ءِ پک کننگ مریک، پولیو مہم نا سرسہبی لمہ و باوہ و سول سوسائٹی نا کمک آن بیدس مننگ کپک ، تدوک آ منہ تُو اٹی پولیو کیس آتیٹی ودکی گڑتی نا سوب ءِ، غٹ تعلقدار ادارہ غاتے تینا خامی و نزوری تا جاچ ءِ ہلسا اوفتے مُر کروئی مریک۔ داخیال آتا درشانی ءِ او انسداد پولیو نا خصوصی مہم نا بناءِ کننگ نا وخت آ تینا کلہو اٹی پارے کہ پولیو مہم اٹی عالم دین راج انا بااثر حلقہ، سیاسی و قبائلی سرکڑدہ غاتا خذمت ءِ ہم دوئی کننگے۔ اوپارے کہ پولیو ٹیم تا غٹ علاقہ و ہرچُنا اسکان رسینگ ءِ پک کننگے ننے پولیو کون آ موذی مرض انا چٹفنگ کن پکا قومی عزم اتون کاریم کروئی مریک، وزیراعلیٰ بلوچستان جام کمال پارے کہ پولیو نا توننگ کن یونیسف جہانی ادارہ جان جوڑی و امیلڈاگیٹس فاؤنڈیشن نا کمکاری نا ستاءِ کینہ پولیو ءِ شکست ترسا نن تینا چناتے اسہ رکھ و جان جوڑ آخبت اس تننگ کینہ لمہ و باوہ غاک داہییت ءِ پہہ مریر کہ پولیو نا اِراپُڑی اوفتا چناتیکن اخہ در اہم ءِ ضلعی انتظامیہ پولیو ٹیم تے ہروڑنا آسراتی و رکھ فراوان کیر، ڈپٹی کمشنرآک پولیو مہم نا چاروکی ءِ کیر پولیومہم نا تخوک آ ہدف آتا دوئی کننگ ءِ پک کننگے۔
