اسلام آباد ۔ 15 اگست (اے پی پی) پاکستان تحریک انصاف ءِ حکومت ءَگوستگیں دو سال ءِ تہ ملک ءِ تہ ھاٹیگ ءِ ضلورتءَ را پیلو کنگ ءِ ھاترا ترجیحی بنیاتاں گامگیج کتگ انت ملک ءِ ہمک شہری ءَ را ارزاں ءُ گرین انرجی پھجاراتگ۔چین پاکستان اقتصادی راہداری منصوبگ ءِ ردا7.603 ارب ڈالرءِ ھرچ ءَ گوں پاکستان ءِ تہ ہائیڈرو پاور پراجیکٹ ءِ وسیلگ 3415 میگاواٹ گرین انرجی سرا ترندی ءَ گوں کار برجاہ انت۔سی پیک منصوبگ ءِ رد اپاکستان ءِ کروٹ ہائیڈرو پاور پراجیکٹ ءَ چہ 720 میگا واٹ توان رسیت۔ہمہ کہ 1.74 ارب ڈالر چہ جوڈ کنگ بوھگ انت۔ایشی ءِ کار ءِ دیمروئی برجاہ انت۔ایشی ءِ سرجمی بوھگ ءِ سرا5 ملین ءِ آباتی ءَ را کلین اینڈ گرین انرجی ءِ پھجارگ سدکی جوڈ بیت۔اے منصوبگ ءَ چہ تقریباً 4500 مردماں را روزگاررسیت۔ 70 در صد کنسٹرکشن ءِ کار سرجم بوتگ انت۔ پاک چین اقتصادی راہداری ءِ ردا آزات کشمیر ءِ تہ 1124 میگاواٹ ءِ کوہالہ پن بجلی سئے فریقی منصوبگ سرا دست چنگل بوتگ انت۔مزن وزیر ءَ کنسٹرکشن ءِ تک ءُ ایشی ءِ ہمگرنچیں صنعت ءِ بحالی ھاترا کمک کار پدر بیت۔اے منصوبگ ءَ چہ 5ہزار مردماں را روزگاردیگ بیت۔ 2 ارب 40 کروڑ ڈالرز ءِ اے سرمایہ کاری پاکستان ءُ آزات کشمیر ءِ تہ آئی پی پیز ءِ کجام منصبگءِ تہ درستاں چہ مستریں سرمایہ کاری انت۔اے منصوبگ ءَ چہ پاکستان ءُ آزات کشمیر ءِ تہ کنزیومرزءَ را سالینہ 5 ارب یونٹ ساپ ءُ ارزاں توان پھجارگ بیت۔ کوہالہ ءُ آزاد پتن ءِ تہ توانائی ءِ منصوبگانی ردا اودا کہ سرجمیں ملک ءِ تہ 4 ارب ڈالر ءِ سرمایہ کاری ھاترا راہ ہموار بیت۔اودا سرجمیں ملک ءِ تہ روزگار ءِ نوکیں موہ ھم سر بنت۔حال داتگیں توانائی ءِ منصوبگانی وسیلگ ءَ 1800 میگا واٹ توان ودی بوھگ ءِ گمان انت وھدیکہ سرجمیں ملک ءِ تہ 8 ہزار روزگار ءِ نوکیں موی سر بنت۔آزاد پتن پن بجلی منصوبہ چین پاکستان اقتصادی راہداری ءِ بھر انت ایشی ءِ سرا یک ءُ نیم ارب ڈالر ھرچ بنت۔
