کوئٹہ۔14 اگست ( اے پی پی ) سروزیر بلوچستان جام کمال خان ءَ آجوئی ءِ روچ ءِ رد ءَ برجم داشتگیں مراگش ءَ گشتانک دیان ءَ بلوچستان جوانیں کدرتی آسراتی ءَ ابید گوستگیں وھد ءِ ناانصافی، سروکی ءِ لُک ءُ نہ وش بوھگگ ءِ سبب ءَ مرچی گریبی ءُ کوری ءِ آماچ انت، مئے صوبگ ناشرکاری ءِ آماچ انت، ایش مئے درستانی واستہ یک ٹوھیں جیڈھ ات ءُ ما دژمن ءِ اے چیلنج ءَ را من اتگ ءُ ناشرکار آنی توامیں پندل آناں ڈگار ءَ جتگ ءُ ناکام کتگ۔ مراگش ءَ اسپیکر بلوچستان اسمبلی عبدالقدوس بزنجو، کابینہ ءِ باسک، صوبائی اسمبلی ءِ باسک آں ھوار چاگردی ءُ سیاسی ٹوھیں ٹوھیں سروک ، قبائلی سروک، سول سوسائٹی ءِ نماھندگ ءُ بلوچستا ءِ جتا جتائیں بھر آں گوں سیادی داروکیں الس آنی مزنیں کساس اے مراگش ءُ دیوان ءِ ساھت ءَ ساڑی اتنت۔ سرو وزیر بلوچستان ءَ تران کنان ءَ گوشت کہ آجوئی ءِ روچ درستاناں مبارک بات ءُ مرچیگیں روچ ھدا وند ءِ نیمگ ءَ یک ٹوھیں ٹیکی ات۔
