اسلام آباد۔ 14 اگست (اے پی پی) وزیراعظم آزاد کشمیر راجہ فاروق حیدر خان پارینے کہ ای مچ آ قوم ءِ جشن آزادی نا مبارکبادی ایتیوہ، پاکستان نا جوڑ کننگ قائد اعظم محمد علی جناح نا ولولہ انگیز سرکڑدہ ئی نا بھرم ئس۔ قائد اعظم علیہ الرحمہ مسلم لیگ نا بیرک نا کیرغ آن ہند انا مسلمان تے یکجا کرے۔ پاکستان اینو پورو واک اٹ دنیا نا نقشہ غاساڑی ءِ۔ جشن آزادی نا وخت آ خصوصی کلہو اٹی اوپارے کہ مچ آ قوم ءِ جشن آزادی نا مبارکبادی ایتیوہ۔ پاکستان ءِ جوڑ کننگ قائد اعظم محمد علی جناح نا ولولہ انگیز کماشی نا بھرم ئس۔ قائد اعظم علیہ الرحمہ مسلم لیگ نا جھنڈی نا کیرغ آن ہند انا مسلمان تے یکجا کرے۔ اوپارے کہ پاکستان اینو پورو واک اٹ دنیا نا نقشہ غا ساڑی ءِ۔ 1937ءآن 1947 ء نا دہ سال اٹی دانرینہ درویش و بطل حریت ناممکن ءِ ممکن کرسا نشان تس۔ پاکستان کانگرس نا دا بیانیہ ءِ شکست تس ہرا اونا جوڑ کننگ آ شک و شبہ تالان کریکہ۔ راجہ فاروق حیدر پارے کہ پاکستان اسہ سیاسی جہد اسے نا کمک اٹ جوڑ مس۔ ای تینا کشمیری ورناتیان پُراومیت اُٹ کہ او الحاق پاکستان نا مزل ءِ دوئی ہرحال اٹ کیرہ۔ کشمیری تا مزل استصواب رائے نا کمک اٹ الحاق پاکستان ءِ۔ اوپارے کہ الحاق پاکستان دراصل پاکستان نا پوروی ءِ۔ 19 جولائی نا قرارداد الحاق پاکستان انقلاب آفرین ءِ۔ جموں کشمیر نا غٹ اکائی خاص کر جموں ولداخ نا ایلم تے پاوہ ننا مزل پاکستان ءِ۔
