اسلام آباد۔ 14 اگست (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ اینو نا عظیم دے اللہ رب العزت نا شکر ءِ ادا کننگ نادے ءِ، اللہ برصغیر نا مسلمان تے آزادی کون آ نعمت ءِ تس، آزادی نا نعمت اللہ نا فضل وکرم، قائد اعظم نا سرکڑدہ ئی و علامہ اقبال نا نظریہ و تغ انا سوب آن ممکن مس، اینو نادے پاکستان ءِ قائد اعظم نا نظریہ نا رداٹ دنیا نا عظیم ءُ ملک اس جوڑ کننگ نا عہد کروئی ءِ۔ یوم آزادی نا بابت خصوصی کلہو اٹی اوپارے کہ اینو نا عظیم دے اللہ رب العزت نا شکر ءِ ادا کننگ نادے ءِ۔ اللہ برصغیر نا مسلمان تے آزادی کون آنعمت ءِ تس۔ آزادی نا نعمت اللہ نا فضل وکرم، قائد اعظم نا سرکڑدہ ئی و علامہ اقبال نا نظریہ و تغ انا سوب آن ممکن مس۔ اوپارے کہ اینو نادے پاکستان ءِ قائد اعظم نا نظریہ نا رداٹ دنیا نا عظیم ءُ ملک اس جوڑ کننگ نا عہد کروئی ءِ۔ اینو نادے ننے تینا مقبوضہ کشمیر نا ایڑھ و ایلم تا قربانی تے ہم یات تخوئی ءِ۔ علی امین گنڈاپور پارے کہ کشمیریک پاکستان تون وابستہ مننگ نا درشانی ءِ کننگ کن تینا جان تا قربانی ءِ تننگ ءُ۔ مقبوضہ کشمیر نا الس تینا شہید آتے سوز ہلالی بیرک اٹ جہہ جاگہ کیرہ۔ تدوک آ سال 5 اگست نا غیر کانودی گام گیج آتے مچ آ دنیا رَد کرینے۔ بھارت نا پن نا سیکولرزم و جمہوریت نا پڑدہ پاش مسنے۔ بنجائی وزیر پارے کہ ساڑی حکومت کشمیری تا حق خودارادیت نا توار ءِ دنیانا ہر فورم آ بڑزکرینے۔ کشمیر نا ویل آ جہانی مخ تفی ٹی ودکی مننگ ءِ۔ آخیریکو دم اسکان تینا کشمیری ایلم تا مخ تفی ءِ برجاتخنہ۔ اینو کشمیری تتون یکجہتی کن ’’رن فار کشمیر‘‘ ٹیلی میراتھن نا بناءِ کننگ انگ ءِ۔ ’’رن فار کشمیر‘‘ آن کشمیری تا حق انا بابت آگاہی ٹی ودکی مریک۔
