اسلام آباد۔ 14 اگست (اے پی پی) بنجائی وزیر حوالکاری و شینکاری سینیٹر شبلی فراز مچ آ قوم ءِ آزادی نا مبارکبادی ترسا پارینے کہ زند انا حقی احساس آزادی نا عظیم نعمت آن بیدس بے پورو ءِ، آزاد وطن ننا اسلاف نا عظیم قربانی تا بھرم ءِ۔ یوم آزادی نا وخت آ تینا اسہ ٹویٹ اسے ٹی اوپارے کہ مچ آ قوم ءِ آزادی مبارک۔ زند انا حقی احساس آزادی نا عظیم نعمت آن بیدس بے پورو ءِ۔ وزیر حوالکاری پارےکہ آزاد وطن ننا اسلاف نا عظیم قربانی تا بھرم ءِ۔ گھیڑ کشمیری و بھارت اٹی اقلیت خاص کر مسلمان تیا مروک آ ظلم و جور قائد اعظم نا دوقومی نظریہ نا سُچائی ءِ پک کننگ ءِ۔ سینیٹر شبلی فراز پارےکہ وزیراعظم عمران خان قائد اعظم نا راہشون اصول آتے مون آ تخسا فلاحی ریاست اسے نا ٹہیفنگ کن کوشست کننگ ءِ۔ نیزگار و اختہ تپہ غاتا راجی آسراتی اونا اولیت و کانود نا حکمرانی پکا نصب العین ءِ۔
