ننکانہ صاحب۔ 14 اگست (اے پی پی) بنجائی وزیر داخلہ بریگیڈٛیئر(ر) اعجاز احمد شاہ پارینے کہ آزادی ملپروسس تو اینو ننا حال ہمومسکہ ہرا بھارت اٹی مسلمان تا ءِ، نیمہ ملک دُوآن ہنا، پین پِننگ درشنگ ءِ سگنگ کپنہ، تینٹ سہی کنننگ نا گرج ءِ۔ او جمعہ نادے آ داڑے جمنازیم ہال اٹی بیرک ءِ چست کننگ نا وخت آ دود آن تران کریکہ۔ داکان مست بنجائی وزیر داخلہ اعجاز احمد شاہ بیرک ءِ چست کرے۔ دود اٹی ضلعی آفیسر، اسمبلی نا باسک آک و پی ٹی آئی نا عہدیدارآک بشخ ہلکر۔ سیاسی و راجی راہشون، وکیل، عالم دین و شاریک ہم دود اٹی بشخ ہلکر۔ داوخت آ پولیس نا چاق و چوبند دستہ قومی بیرک ءِ سلامی ہم تسر۔ بشخ ہلوک آک پاکستان زندہ، پاکستان پائندہ باد نا فلک شگاف نعرہ خلکر۔ وزیر داخلہ دود آن تران کرسا پارے کہ مچ آ قوم اینو یوم آزادی ءِ زیات جم وجوش اٹ اڈتننگ ءُ۔ بھارت اٹ اقلیت آتون ظالمانہ سلوک کننگانے۔ آزادی ملپروسس تو ننا حال ہم بھارت مسلمان تیانبار مسکہ۔ اوپارے کہ پاکستان قیامت اسکان رہینگ انگ کن جوڑ مسنے۔ 73 سال اٹی نیمہ ملک ءِ دُوآن کرین۔ ملک پین پِننگ درشنگ ءِ سگنگ کپک، ننے غٹ ءِ تینے تینٹ سہی کننگ نا گرج ءِ۔ داملک ریاست مدینہ نا وڑاٹ مننگ ءِ۔ اوپارے کہ حکومتی گام گیج آتا سوب آن کورونا دین کم مس۔ وزیراعظم عمران خان پارے کہ مخلوق ءِ بین آن کہینگ کن الیپرہ مچ آ قوم کورونا دین انا سخت مقابلہ ءِ کریر۔ داسہ کورونا ٹی پدریسہ کمتی بننگ ءِ ولے رکھی گام گیج آتیا عمل ءِ برجاتخنگ نا گرج ءِ۔ الس فیس ماسک آتے بٹپس۔ ہینڈ سینیٹائزر آتا کاریم اٹ اتنگ ءِ برجاتخر، محرم الحرام اٹی ہم پین احتیاط کننگ نا گرج ءِ۔ اوپارےکہ محرم الحرام اٹ مہرومریبت تالان کننگ نا گرج ءِ، محرم جلوس آتیٹی کوروناایس او پی تیا سختی اٹ عملدرآمد کرفینہ۔ ننکانہ نا شونداری ننا مشن ءِ۔ انشاء اللہ مچ آ ملک ءِ شون ہلوک کینہ۔
