اسلام آباد۔ 14 اگست (اے پی پی) بنجائی وزیر ہوابازی غلام سرور خان پارینے کہ اللہ تعالیٰ 73 سال مست ننے دا وطنءِ انمول ٹیکی اسے نا وڑاٹ تس، دادے تجدید عہد نا دے ءِ ملک و قوم انا شونداری کن ہر حد اسکان کانہ۔ داخیال آتا درشانی ءِ او یوم آزادی نا وخت آ نیو اسلام آباد بالی پٹ آ بیرک ءِ چست کننگ نا دود آن تران کرسا کرے۔ اوپارے کہ چناو زالبول و خواجہ غاتا داوخت آ خوشی ہُننگ نا ءِ اوفتا جوزہ ءِ خنسا بھاز خوشی مریک، اینو پاکستان ءِ تینائی نا گرج ءِ، ننے انسانی جوزہ غان سرشار مرسا انسانیت نا خذمت ءِ کروئی ءِ۔ داوخت آ جشن آزادی کیک اس ہم کاٹ کننگا۔ بنجائی وزیر غلام سرور خان بالی پٹ آ سوز ہلای بیرک ءِ چست کرے و اہلیان وطن ءِ یوم آزادی نا مبارکبادی تس۔ اوپارے کہ اللہ تعالیٰ 73 سال مست ننے دا وطن ءِ انمول ٹیکی اسے نا وڑاٹ تس داملک ءِ دوئی کننگ کن قائد اعظم و مسلم لیگ نا سرکڑدہ غاتارداٹ تحریک پاکستان چلیفنگا و لکھ آ قربانی تیان پد نن دا وطن ءِ دوئی کرین۔ غلام سرور خان پارے کہ دا ملک ننا بروک آ چین تا رکھ پناہ گاہ ءِ۔ ننے داملک ءِ رکھ کروئی ءِ۔ وزیر ہوابازی پارے کہ ساڑی آ گچین کاری مہم اٹی ورناتیٹی اسہ جوش و ولولہ اس ئس دا ورناچناک و مسنک پوسکن آ شونہال پاکستان اس جوڑ کننگ کن نن تون تفنگ کن میدان اٹ بسر اوفتے مایوس کپنہ، اوفتے تون کروک آ تیناوعدہ غاتے پورو کننگ کن کوشست کننگ اُن۔
