اسلام آباد ۔ 13اگست (اے پی پی) چین پاکستان اقتصادی راہداری ءِ ردءَ ملک ءَ توانائی ءِ ضلورت ءَ پیلو کنگ ءِ ھاترءَ6۔7 ارب ڈالر ءِ حرچءَ 4 ہائیڈرو پاور پراجیکٹ ءَ چہ 3415 میگاواٹ گرین انرجی ءِ ہوالگءَ منصوبہ آنی سرءَ گوں گشادی ءَ کار جاڑی اِنت۔ سی پیک اتھارٹی ءِ حکام ءِ ردءَ حکومت ءَ گوستگیں دو سالاں ملکءَ توانائی ءِ ضلورتاں پیلو کنگ ءِ ھاترءَ گامگیج چست کنگ بندات کتگ تنکہ ملک ءَ شہری آناں ارزانیں ءُ گرین انرجی دیئگ بہ بیت۔ کروٹ ہائیڈروپاور پراجیکٹ ءَ چہ 720 میگاواٹ ، کوہالہ ہائیڈروپاور پراجیکٹ ءَ چہ 1124 میگاواٹ، سکی کناری منصوبہ ءَ چہ 847میگاواٹ، آزاد پتن ءَ چہ 700 میگاواٹ بجلی ودی بیت۔ اے پن بجلی لوگانی جوڑ کنگءَ چہ بجلی ءِ پدمنتگی ءِ ہلاسی ءُ صنعتی دیمروئی ءُ معاشی بحالی ءَ حاسیں گامگیجے بیت۔ اے منصوبہ آں چہ نا تنا ارزانیں بجلی پیداک بیت بلکیں ہزارانی کساس ءَ ہندی مردماں روزگار رسیت۔
