اسلام آباد ۔ 13 اگست (اے پی پی) بنجاہی حکومت اسلام آباد ءُ روالپنڈی ءَ ہوار سرجمیں ملک ءَ پاکستان ءِ 73می آجوہی ءِ روچ گوں جوشءُ جزبگ ءَ گوازینگ ءِ درائیں تیاری سرجم کنگ بوتگ اَنت۔ روالپنڈی ءُ اسلام آباد ءَہمک نیمگءَ راجی بیرک ءَ ہوار کشمیر ءِ بیرک ہم گندگ بوہگءَ اَنت۔ کسان ، مزن ءُ زالبول راجی جوش ءُ جزبگ ءَ گوقں راجی بیرک ءُ کشمیر ءِ بیرک ءَ ہم بہازورگ ءَ اَنت۔ ہمے وڑءَ لوگ ءُ دمک ءُ دگ ءُ شاہ دگ سمبھائینگ بوہگءَ اَنت۔ راج ءِ اے جوشءُ جزبگ ءَ را گندگءَ گوں اے گپ مارگ بیت کہ زوت آ وہد کیئت کہ پہ کشمیری آنی ھاترءَ یک نوکیں روچے درکیئت چیا کہ قدرت ءِ قانود اِنت کہ شپ امیچو بہ بیت بلے پدا ہم آئی ءِ سھب الم ءَ بیت۔
