اسلام آباد ۔ 13 اگست (اے پی پی) روالپنڈی ءُ اسلام آباد ءَ آجوہی ءِ روچءِ تیاری کنگ بوتگ اَنت، سرکاری ءُ نجی کارگس سمبائنگ بوتگ اَنت، آجوہی ءِ روچءَ را گوازینگ ءِ ھاترءَ مارکیٹ، بازار ءُ سٹال آنی سرءَ راجی بیرک، برنٹس، بیجز ، پوشاک ءُ ایندگہ سامان آنی بھاءُ سیم جاڑی اِنت۔ سرجمیں ملک ءَتاں 8 اگست ءَ 14 اگست ءَ آجوہی ءِ روچءِ مراگش جاڑی بنت۔ بازیں شہری حاس زھگ ءُ ورناہ دگ ءِ کنارگ ءَ اسٹال آنی سرءَ پہ وتی گاڑی ءُ موٹر سائیکل آنی ھاترءَ بیرک ءُ سٹکرز بہازورگ ءَاَنت۔ دکانداراں امیت درشانی کتگ کہ پہ گاڑی آنی سمبائینگ ءِ سامان آن بہازورگ آیوکیں وہدءَ گیش بیت۔ ورناہیں بچکانی یک گلے ءَ گشتگ کہ ما وتی دوست ءُ سنگت ءُ ایندگہ شہری آناں پیش دارگءُ آیانی تہءَ آجوہی ءِ جوشءُ جزبگ ودی کنگ ءِ ھاترءَ وتی گاڑی ءَ را سبز ءُ اسپیتیں بیرکاں گوں سمبائینتگ۔ زانگ بہ بیت کہ سرجمیں پاکستان راج جمعہ ءِ روچءَ 14 اگست ءَ ماتیں وطن ءِ 73 می آجوہی ءِ روچءَ گوں جوشءُ جزبگءَ ءُ وتی پیرینانی قربانی آنی یات ءَ گوازینیت۔
