جوڑیشتی شوبگ ءَ توامیں بھر آنی تہ ءَ آٹومیشن ، ٹیجیٹلائزیشن ءُ نظام ءَ را آسان جوڑ کنگ ءِ سر ءَ ھاسیں دلگوشی دیگ بہ بیت، ایف بی آر ءِ نیمگ ءَ کاروباری برات آںی واستہ آسانی پجاری کنگ وشیں گپ ات
مزن وزیر ءِ راجی رابطہ کمیٹی برائے ہائوسنگ، جوڑیشتی ءُ دیمروئی ءِ ھمک ھپتگی دیوان ءَ گشتانک
اسلام آباد ۔ 13 اگست (اے پی پی) مزن وزیر عمران خان ءَ پنت ءُ شون کت کہ توامیں جوڑیشتی منصوبگ آنی سرجمی گیشینتگیں وھد ءُ پاس آنی تہ ءَ سرجم کنگ دل یکیمی بہ بنت، جوڑیشیت ءِ شوبگ ءَ توامیں بھر آنی آٹومیشن، ڈیجیٹلائزیشن ءُ نظام ءَ را آسان جوڑ کنگ ءِ سر ءَ ھاسیں دلگوشی دیگ بہ بیت، ایف بی آر ءِ نیمگ ءَ کاروباری برات آنی واستہ آسانی پجاری کنگ وشیں گپ ات۔ اے ھیالانی درشانی آئی ءَ پنچ شمبے ءِ روچ ءَ وتی سروکی ءَ کتگیں راجی رابطہ کمیٹی برائے ہائوسنگ ، جوڑیشیت ءُ دیمروئی ءِ ھمک ھپتگیں دیوان ءِ ساھت ءَ گشتانک دیان ءَ کت۔ دیوان ءِ تہ ءَ بنجاھی وزیر اھوالکاری ءُ شنگ کاری سینیٹر شبلی فراز، ھاسیں کمکار برائے ڈن ملک ءَ نندوکیں پاکستانی سیّد ذوالفقار عباس بخاری، سیادی داروکیں وزارت آنی سیکرٹری، چیئرمین نوکیں پاکستان ہاوسنگ اتھارٹی، گورنر اسٹیٹ بینک، چیئیرمین ایف بی آر ءُ ایندگر کلانہ ایں کارندہ آں بھر زوری کت وھدیکہ چیف سیکرٹریز آں ویڈیو لنک ءِ وسیلگ ءَ دیوان ءَ بھر زوری کت۔ نامداریں کاروباری بامرد عارف حبیب، عقیل کریم ڈھیڈی، محسن شیخانی ءُ حسن بخشی ءَ ھم دیوان ءَ بھر زوری کت۔
