اسلام آباد ۔ 13 اگست (اے پی پی) سپیکر راجی اسمبلی اسد قیصر ءُ ڈپٹی سپیکر قاسم خان سوری ءَ 73 آجوئی ءِ روچ ءِ درگت ءَ راج ءَ را مبارک بات داتگ ءُ گوشتگ کہ اے روچ ءَ مئے پیرین آنی داتگیں قربانی آنی ترانگ ءَ گیج ایت۔ آوانی بے دروریں کوشست آنی سبب ءَ اے ملک مارا رستگ، آزاتی بے شک یک ٹوھیں نعمت ات، ءُ ایشی ءِ کدر کنگ لوٹ ایت آ شر سرپد بوتگ انت کہ غلامی چینکاس گران انت۔ بھارتی مقبوضہ کشمیرر ءَ نندوکیں الس آنی زندمان سک بزگ ءُ زوراکی ءِ آماچ انت۔ آواں گوشت کہ پاکستان ءِ برجائی ءِ مول ءُ مراد یک انچیں اسلامی گہبودی ریاست ءِ برجائی بوتگ ۔ ھمودا قرآن ءُ سنت ءِ روشنائی ءَ ریاست ءَ نندوکیں توامیں تبک ءِ مردم آنی ھک آنی پاسبانی بہ رس ایت۔ آواں گوشت کہ قائداعظم محمد علی جناح ءَ یک جمہوری ، وشھال ءُ ایمنیں پاکستان ءِ واب دیستگ بوتگ۔ ایش دگنیا ءِ واستہ یک بے دروریں درور ات۔ تحریک پاکستان ءِ گوشتگیں دانک آنی رد ءَ توامیں لیکہ آنی منوکیں ءُ سسا ساچیں مردم آناں پاکستان ءِ مھکمی ءُ اسلامی گہبودی ریاست ءِ جوڑیشت ءِ واستہ توام آناں یکجاھ بوھگ المی انت۔ آئی ءَ گوشت کہ ما بابائے راج قائداعظم محمد علی جناح ءِ یکوئی ، ایمان ءُ دل یکیمی ءِ مھکمیں رھبند آنی رد ءَ اے ملک ءَ را دیمروئی ءِ کشک ءَ رھادگ کت کناں ءُ میاں اوستمانی دگنیا ءِ اندر ءَ جوانیں شرپ ءُ ازت ءِ در آورت کناں۔
