اسلام آباد ۔ 12 اگست (اے پی پی) مزن وزیر ءِ مشیر برائے ھزانگ ڈاکٹر عبدالحفیظ شیخ ءَ گوششت کہ حکومت ءَ کامیات جوان پروگرام ءَ وام آنی کچ ءُ کساس ءَ را ودینان ءَ پنجاھ لکھ ءَ چہ گیش کنان ءَ دو کروڑ ءُ پنجاھ لکھ کلدار کتگ، پروگرام ءِ د ٹئیرز آنی واستہ کساس 8 درسد ءَ چہ کم کتگ۔ لس پاکستانی الس ءَ را سیت پجارینگ مزن وزیر عمران خان ءِ وژن انت، الس شہری حکومتی پالیشی آنی سیم سر انت۔ کامیاں ورنا پروگرام ءِ واستہ ھمینکاس کہ فنڈز لوٹ بنت حکومت آواناں پجاری کناں، اولی ماہ ءَ معاشی اشارہ دلبڈیں بوتگ انت۔ چار شمبے ءَ ادا مزن وزیر ءِ ھاسیں کمکار برائے ورنا آنی کار عثمان ڈار ءُ سیکرٹری ھزانگ نوید کامران بلوچ ءِ ھمبراھی ءَ پریس کانفرنس ءَ گوں گشتانک دیان ءَ آئی ءَ گوشت کہ حکومت ءَ کامیات ورنا پروگرام ءَ وام آنی سیم سر آناں پنجاھ لکھ ءَ چہ گیش ودینان ءَ دو کروڑ ءُ پنجاھ لکھ کلدار کنگ بوتگ۔ ھمے رنگ ءَ اے پروگرام ءِ دو ٹیئیرز آنی واستہ سوت ءِ کساس یک شل ءَ 8 درسد ءَ چہ کم کنان ءَ 4 درسد ءُ 6 درسد ءَ چہ کم کنان ءَ 3 درسد کنگ بوھگ ءَ انت۔ سکیم ءِ واستہ بنک آنی کساس 3 ءَ چہ گیش ودینان ءَ 21 کنگ بوتگ۔ آئی ءَ گوشت کہ پروگرام ءِ چیر دستی ءَ آسانیں نمونگ ءَ ملک ءِ ورنا آناں پیسہ دیگ بوھگ ءَ انت۔ تانکہ ملک ءَ نوکری بہ بیت۔ ڈاسکٹر عبدالحفیظ شیخ ءَ گوشت کہ انوگ ءَ تاں پروگرام ءِ چیر دستی ءَ 2190 مردم آناں یک ارب کلدار ءَ چہ گیش وام دیگ بوتگ، 7 ہزار ءَ 5 سد درزبندی آناں منظوری دیگ بوتگ ءُ آیوکیں دو سئے ماہ آنی تہ ءَ دزبند ی کنوک آناں 5 ارب کلدار ءَ چہ گیش وفام دیگ بیت، ایشی ءَ چہ ملک ءَ 50 ہزار نوکری پیداک بیت۔ آئی ءَ گوشت کہ پیسر ءَ وام ءِ ھد ءُ ابیل 50 لکھ کلدار بوتگ ایشی ءَ چہ 5 درسد گیشی کنگ بوتگ۔ نوں ایشی ءِ سیم سر گیش ودینگ بوتگ انت۔ آئی ءَ گوشت کہ “زرتلافی ءِ نظام” ءَ را گہتر کنگ ءِ ضلورت انت، اے وھد ءَ حکومت توان ءِ 72 درسد ءُ گیس ءِ 90 درسد سبزکرائیبر آناں “زرتلافی” پجاری کنگ ءَ انت، ٹیوب ویل آناں 100 درسد ریایت دیگ ءَ انت، حکومت کد ءُ یوٹیلیٹی سٹورز آناں ھم شہری آنی کمک پجاری کنگ ءَ انت، یک جستے ءِ پد ءَ آئی ءَ گوشت کہ کورونا ءَ گوں گر ءُ چیل بوھگ ءِ واستہ فنڈز ھرچ ءُ درچ کنگ نہ بوتگ آ آیوکیں وھد ءَ ھرچ کنگ بنت ءُ گیش فنڈز ھم دیگ بیت۔
