اسلام آباد ۔ 12 اگست (اے پی پی) صدر مملکت ڈاکٹر عارف علوی ءَ امریکہ طالبان منوگری ءِ چیر دستی ءَ اوگان لویہ جرگہ ءِ کیزی آنی یلو کنگ ءِ پیسلہ ءَ را ساڑات ءُ گوشت کہ جوانیں ءُ ایمنیں ءُ برجمیں اوگانستان پڑ ءُ پاکستان ءِ سیت ءَ انت۔ اے ھیالانی درشانی آئی ءَ اوگانستان ءِ سفیر شکر اللہ عاطف مشعل ءَ گوں تران کنان ءَ کت۔ آئی ءَ چار شمبے ءَ ادا صدر ءِ مملکت ءَ گوں گڈی بروپہ ھیری دیوان ءِ ساھت ءَ کت۔ ایوان ءِ صدر ءَ چہ جاڑی بوتگیں بیان ءِ رد ءَ صدر ءِ مملکت ڈاکٹر عارف علوی ءَ اوگانستان ءِ سفیر ءَ گوں تران کنان ءَ گوشت کہ پاکستان اوگانستان ءِ گوما یکوئی آناں ھاسیں ارزشت دنت۔ ءُ دو نیمگی یکوئی آناں یکجائی سیت ءِ توامیں شوبگ آنی تہ ءَ دیمروئی دیگ ءِ واھشت ایگ انت۔ مزن وزیر عمران خان توامیں ھمساھگیں ملک ھاسیں رنگ ءَ اوگانستان ءِ گوما مھکمیں یکوئی یے واھشت ایگ انت۔ اوگانستان ءِ سفیر ءَ اوگان سول ءُ ترانی کار ءَ پاکستان ءِ کرد ءِ توسیپ کت۔ آئی ءَ کورونا ھوپ ءِ ساھت ءَ تجارت ءُ اوگان آنی روگ ءُ آیگ ءِ کار ءَ را جاڑٰ دارگ ءِ پد ءَ حکومت پاکستان ءِ شگر ءُ منت گپت۔
