اسلام آباد ۔ 12 اگست (اے پی پی) بنجاھجی وزیر اھوالکاری ءُ شنگ کاری سینیٹر شبلی فراز ءَ گوشت کہ مزن وزیر عمران خان ءَ پالیشی آنی پُشت ءَ سسا آنی چپ ءُ چاگرد گریب ءُ پشت کپتگیں مردم آنی گہبود انت، گوستگیں وھد ءِ سروک آنی زاتی سیت ءُ سیر لاپیں مردم آنی آسودگ کنگ ءِ پالیشی جوڑؑ کنگ بوتگ ءُ گریبیں مردم آنی مدام ڈلگچار کنگ بوتگ، حکومت ءِ سبسڈی ءَ چہ درستیں مردم سیت چست کناں ءُ سیر لاپیں مردم گیش سیر ءُ آپ ءُ لاپ بنت بلے نوں اے وڑیں کار کنگ ءَ آں کہ سبسڈی ءَ چہ ایوک ءَ گریب سیت مند بہ باں۔ پاکستان تحریک انصاف ءِ حکومت ءَ ٹوھ ٹوھیں چیلنجز آںی سر ءَ ھاسیں کساس ءَ گر ءُ دار کنگ بوتگ نوں ایشی ءِ گولائی گوستیں ڈلگچار بوتگیں مردم آنی گہبود انت، مزن وزیر یک شلی ءَ چہ گران بھائی ءِ چار ءُ تپاسی گرگ ءِ واست صوبائی کارندہ آں چہ بریفنگ زوراں۔ سندھ ءَ صوبائی حکومت ءِ نیمگ ءَ گندم جاڑی نہ کنگ ءِ سبب ءَ نیاد درستاں چہ گیش انت، مزن وزیر ءَ سرجمیں ملک ءَ ھمروچگیں سامان آنی گران بھائی ءَ چہ ھاسیں رنگ ءَ گریب آماچ بنت، آرت، دان ، شکر ءُ ڈال ءَ ھوار 17 نمونگ ءِ سامان آناں یک شل ءَ دارگ ءِ واستہ میکانزم جوڑ کنگ ءِ ضلورت ءِ سر ءَ زور دات، شوگر کمیشن ءِ رپورٹ ء۔چ ہ پد شکر ءِ نیاد ءِ تہ ءَ گیشی حکومت ءِ سر ءَ لڈگ ءِ واستہ کنگ بوتگ، حکومت مافیا آنی وت مہ وت پت بوھگ ءُ پندل ساچگ ءَ چہ شر سرپد انت، حکومت اچ رنگ ءَ ترس ءِ آماچ نہ بیت، شکر کانڈیل ءِ رونگ ءِ واستہ صوبائی حکومت آنی ھواریں نوکٰں کانود جوڑ کنگ ءَ آں ایشی ءِ چیر دستی ءَ کرشنگ ءِ تہ ءَ اوشت ءُ مھتلی کنوکیں شوگر مل آناں 50 لکھ کلدار یک روچ جرمانہ جنگ بیت۔ اے ھیالانی درشانی آئی ءَ مزن وزیر ءِ سروکی ءَ گران بھائی ءُ ھمروچگیں سامان آنی گران بھائی ءُ نیاد آنی سر ءَ چار ءُ تپاسی دیوان ءَ چہ پد پی آئی ڈی ءَ میڈیا ءَ را بریفنگ ءِ ساھت ءَ کت انت۔
