اسلام آباد۔ 12 اگست (اے پی پی) ڈپٹی چیئرمین پلاننگ کمیشن ڈاکٹر محمد جہانزیب خان پارینے کہ حکومت ملک اٹی مواصلات نا بشخ ءِ پوسکن آ وڑوڈول آتیا اتنگ کن اولیتی بنداوتیا گام گیج کننگ ءِ۔ داخیال آتا درشانی ءِ او تدوک آ دے سینٹرل ڈویلپمنٹ ورکنگ پارٹی نا دیوان اٹی کرے۔ دیوان اٹی ٹرانسپورٹ اینڈ مواصلات نا بابت مسہ ڈٹ پیش کننگا ہرافتے ٹی اولیکو ڈٹ پسنی فش ہاربر پروجیکٹ نا بحالی کن 1454.987ملین روپئی، ارٹ میکو ڈٹ کراچی شپ یارڈ اینڈ انجینئرنگ ورکس لمیٹڈ نا انفراسٹرکچر اپ گریڈیشن کن 7789.2 ملین روپئی، وخت اس کہ مسٹ میکو ڈٹ زیارہ غان ڈبوری ، ضلع اورکزئی اسکان سڑک نا تفنگ کن 3213.217 ملین روپئی نا پیش کننگا۔ دیوان اٹی ہر مسٹ آ ڈٹ ءِ منظور کننگا۔
