اسلام آباد۔ 12 اگست (اے پی پی) بنجائی وزیر ڈٹ بندی، شونداری و خصوصی گام گیج اسد عمر پارینے کہ کوویڈ۔ 19 نا دین اتون مون تننگ کن گچین گام گیج آتیا مچ آ دنیا وزیراعظم عمران خان نا سفت ءِ کننگ ءِ۔ چارشنبے نادے آ پی ٹی وی تون گپ وتران کرسا اوپارے کہ کورونا وائرس نا دین ءِ تالانی آن توننگ کن پاکستان نا کوشست آک دنیا نا مون آ اسہ درور اس ہلانو۔ اوالس آن خواست کرے کہ او کوروناوائرس نا برخلاف رکھی گام گیج آتیا عمل ءِ برجاتخر۔ اوپارے کہ لاک ڈاؤن ءِ چٹفنگ نا مطلب دااف کہ کوویڈ۔ 19نا دین ملک آن چٹانے۔ احتیاط کپننگ آ کوروناوائرس نا کیس آتیٹی ودکی مننگ کیک۔ او الس آن خواست کرے کہ سیل و سواتی ہند و ایلو سرجزآتیٹی احتیاط ءِ برجاتخر۔
