اسلام آباد۔ 12 اگست (اے پی پی) بنجائی وزیر جہازرانی و بندرگاہیں علی زیدی پارینے کہ سرسہب ورناپروگرام نا رداٹ ماہی گیرآتےاوفتا کاریم نا کچ ءِ ودفنگ کن کمک کینہ، حکومت نا کنڈآن داسکان ڈیپ سی پالیسی نا پڑو ءِ کننگتنے، ماہی گیر آتا حق انا سد درسد رکھ ءِ کینہ۔ چارشنبے نادے آ قومی اسمبلی ٹی عبدالقادر پٹیل و ایلوفتا کراچی ٹی 12 چینی پوسکن آ ماہی گیر ٹریلر آتا بننگ اٹی ماہی گیر آتیٹی مروک آ گڑتی نا بابت چکاری نوٹس نا ورندی ٹی بنجائی وزیر علی زیدی پارے کہ ہراجہاز برے اونا درآمد آ پابندی اف۔ نن ڈیپ سی پالیسی نا پڑو ءِ کتنون۔ اوداسکان بندرگاہ غا سلوک ءُ۔ ڈیپ سی ماہی گیری آ پابندی ءِ۔ دانا پالیسی بریک۔ داڑآداسکان اوفک کسٹم ہم تتنو۔ ڈیپ سی فشنگ نا لیسن ءِبنجائی حکومت ایتک۔ عبدالقادر پٹیل پارے کہ 7 اگست آ وزیر موصوف داڑکن شپنگ آسراتی تس و داخہ زوت دا امر امپورٹ مسر۔ بنجائی وزیر پارے کہ شپنگ پالیسی فنانس بل اٹی منظور مسوسس۔ شپنگ ءِ ہرفنگ کن اسٹیٹ بینک آن مریس مد وام تا آسراتی ترفینن۔ داجہاز آتا امپورٹرآتے فشریز نا صوبائی محکمہ است خواہی نا درشانی نا لیٹر جاری کرینو۔ آغارفیع اللہ نا سوج انا ورندی ٹی بنجائی وزیر علی زیدی پارے کہ شپنگ پالیسی ٹی مسہ درسد آ ایل ٹی این ایف آن ماہی گیر آک فائدہ ہرفنگ کیرہ۔ سرسہب ورناپروگرام نا رداٹ ماہی گیر آتے اوفتا کاریم نا کچ اٹ ودکی ٹی کمک کینہ۔ ماہی گیر آتا حق انا سددرسد رکھ ءِ کینہ۔ 15 جولائی آ جہاز شپ مس و 6 اگست آ شیف دڑنگا۔ ایم ایم ڈی ہموادارہ ءِ ہرا پیشن آن بروک آ جہاز آتے چیک کیک۔ اسلم بھوتانی نا سوج انا ورندی ٹی علی زیدی پارے کہ کورنگی فش ہار برڈیپ سی فشنگ ءِ اپ گریڈ کننگ اُن ہموڑے فش پراسیسنگ پلانٹ خلنگ نا آسراتی نجی بشخ ءِ ایتنہ۔ ناز بلوچ انا سوج انا ورندی ٹی اوپارے کہ سیمی دنگ انا خلاف ورزی تیا ماہی گیر آتا دزگیری نا باندات وزارت خارجہ نا بابت ءِ۔ دا خلاف ورزی آ نن ہم ہلینہ، اینو ہم اسہ جہاز اس سلوک ءِ ۔ بریک وائیر نا منظوری ءِ تسونن۔
