اسلام آباد۔ 12 اگست (اے پی پی) پشاور زلمی نا چیئرمین جاوید آفریدی پارینے کہ ورناک پاکستان نا میرات و ننا آخبت ءُ۔ چارشنبے نادے آ یوتھ ڈے انا وخت آ تینا ٹویٹ اٹی اوپارے کہ اینو ورناتیکن کنا کلہو ءِ کہ او ملک انا شونداری ٹی تینا پبی کڑد ءِ ادا کیر۔ اوپارے کہ ننے تینا ورناتے پین فعال کننگ کن پین گام گیج کروئی مریک۔ کوروناوائرس آن پد ننے تینا ورناتیکن لائخی تا نشان تننگ و روزگار نا وارخواہی فراوان کروئی مریک۔ داڑتون اوار اوفتا ویل و اوفتا ایسری کن گام گیج ہم کروئی مریک تانکہ او ملک انا شونداری ٹی تینا کڑد ءِ ادا کننگ کیر۔
