اسلام آباد۔ 12 اگست (اے پی پی) بنجائی وزیر مواصلات مراد سعید پارینے کہ میڈیا ہاؤس آتے ملوک آ اوفتا زرتس آتیان ورکرآتے زرتس ءِ پک کننگ کن لائحہ عمل کن وزارت اطلاعات تون ہیت کینہ وخت اس کہ اسپیکر قومی اسمبلی دا باندات ءِ تعلقدار قائمہ کمیٹی نا حوالہ کرے۔ چارشنبے نادے آ قومی اسمبلی نا پریس گیلری آن صحافیک لیہ ٹی اسہ صحافی اسے نا اُراغا پولیس نا کنڈآن چادر و چال دیوالی نا تقدس ءِ لتاڑنگ و میڈیا ہاؤس آتے زرتس ملنگ آ ورکرآتے زرتفننگ نا برخلاف واک آؤٹ کریر۔ اسپیکر نا پاننگ آ مراد سعید و عمرایوب خان صحافی تتون گپ وتران کریر۔ اوکان پد ایوان اٹی گپ وتران کرسا بنجائی وزیر مراد سعید پارے کہ میڈیا پریس گیلری آن بائیکاٹ کریسر کہ اسہ صحافی اسے نا اُرا والا تتون پولیس نا سلوک نا بابت وزارت داخلہ غان جاست وپاست انا پارینو، دیوان نا چٹنگ آ دابارواٹی ہیت کننگک۔ ارٹ میکو خواست دا ئس کہ بنجائی حکومت میڈیا ہاؤس آتے زرتس تس ولے ورکرآتے معاوضہ رسینگتنے۔ دا بابت وزارت اطلاعات تون ہیت کینہ۔ حکومت زرتس ایتک تو بایدے لائحہ عمل اس مرے تانکہ داورکرآتے ہم بشخ ملے۔ اسپیکر قومی اسملبی اسد قیصر دا باندات ءِ کمیٹی نا حوالہ کرے۔
