اسلام آباد۔ 12 اگست (اے پی پی) تزویراتی اہمیت تخوک آ ڈٹ سکردو۔ جگلوٹ شاہراہ ایس۔ 1 نا اپ گریڈیشن و گچینی نا 42 درسد کاریم ءِ پورو کننگا، ڈٹ ستمبر 2021ء ٹی پورو مریک۔ نیشنل ہائی وے اتھارٹی نا کمامدارآک چارشنبے نادے آ اے پی پی ءِ پاریر کہ سی ءُ یک ہزار ملین روپئی خڑچ انا 167 کلومیٹر مریس دا ڈٹ آ کاریم نابناجولائی 2017ء ٹی مس۔ تدوک آ مالی سال اٹی دا ڈٹ اکن سرکاری بشخ انا شونداری پروگرام نا رداٹ 8000ملین روپئی خڑچ کننگا وخت اس کہ اینخو مالی سال 2020-21ء نا بجٹ اٹی سرکاری بشخ انا شونداری پروگرام نا رداٹ دا ڈٹ اکن 9 ہزار ملین روپئی جتا کننگانے۔ دا کاریم ءِ فرنٹیئر ورکس آرگنائزیشن ءِ تننگانے ہرا دا روٹ آ 1984 ٹی بنائی ءُ ٹریک اس تالان کریسس۔ کمامدارآک پاریر کہ جگلوٹ۔ سکردو روڈ قراقرم ہائی وے و سکردو ءِ ملفوک آ اہم ءُ کسر اسے دا سخت انگا کسر یخ انا موسم و بشام اٹی برف و لینڈ سلائیڈنگ نا زداٹ مریک۔ دا روڈ بلیک ٹاپ آ 3.66 میٹر چوڑی ئس ہرادے ودفسا 7.3 میٹر مرغن کننگ انگ ءِ و نازرک خطرناک موڑتے کم کننگ انگ ءِ۔ دا ڈٹ انا پوروی آن ہندی آبادی و سیل و سواتی تے آسراتی ملک۔ دا ڈٹ انا پوروی بروک آ سال ستمبر اٹی گمانی ءِ۔
