چمن کوئٹہ کراچی روڈ آ داسال کاریم نا بناءِ کننگک، کوہاٹ ڈی آئی خان روڈ اکن نہہ ارب روپئی جاری کننگانے، ژوب کچلاک شاہراہ ءِ گوادر اسکان دننگ اُن، بنجائی وزیر مواصلات مراد سعید

اسلام آباد۔ 12 اگست (اے پی پی) بنجائی وزیر مواصلات مراد سعید پارینے کہ ایم ایل ون ڈٹ انا منظوری ءِ ایکنک اسہ ہفتہ اس مست تسنے و دا کراچی آن پشاور اسکان ءِ وخت اس کہ اسپیکر قومی اسمبلی پارینے کہ دا ڈٹ ءِ طورخم اسکان دینہ۔ چارشنبے نادے آ قومی اسمبلی ٹی اعتراضی ٹک آ محسن داوڑ پارے کہ ایم ایل ون نا منظوری طورخم بارڈر اسکان ئس داسہ دادے پشاور اسکان محدود کننگ انگ ءِ دانا حکومت وضاحت ءِ کے۔ بنجائی وزیر مراد سعید پارے کہ ایم ایل ون ڈٹ انا منظوری ءِ ایکنک اسہ ہفتہ اس مست تسنے۔ داکان مست اگہ دا ڈٹ کیہی خیال آتیٹی ئس تو ننے سمااف۔ دیر، چترال شاہراہ نا نن منظوری ءِ تسن ہراڑآ مارچ آن کاریم بناکیک۔ حیدر آباد سکھر موٹروے آ ایکسپریشن آف انٹرسٹ بسنے۔ داسال داڑآ کاریم نا بناءِ کینہ۔ حیدر آباد کراچی موٹروے آب آ پورو سلپسہ۔ سندھ ءِ اولیکو موٹروے عمران خان ایتک۔ اوپارے کہ سی پیک دیکی روٹ اٹی محروم علاقہ غاتے اوار کینہ۔ بنجائی وزیر مراد سعید پارے کہ چمن کوئٹہ کراچی روڈ آ ہم داسال کاریم نا بناءِ کننگک۔ کوہاٹ ڈی آئی خان روڈ اکن نہہ ارب روپئی جاری کننگانے داڑآ کاریم مننگ ءِ۔ ژوب کچلاک شاہراہ ءِ گوادر اسکان دننگ اُن۔ سی پیک نا آخبت اٹ روڈ کنیکٹیویٹی نا بابت پلان نا بارواٹی باسک آتے حوال تننگ کینہ۔ لودھراں ملتان شاہراہ غا کاریم کرفنگک۔ میانوالی مظفرگڑھ شاہراہ نا فزیبلٹی سٹڈی ءِ ہندا سال پورو کرسا داتغ ءِ راست کینہ۔ جی ٹی روڈ آ ساڑی بھلا شار تے موٹروے تون گنڈنگک۔ داڑآن مچ آ پاکستان اٹ صنعت و سیل و سوات ءِ مون آ دننگک۔ روزگار نا وارخواہی ودی مریک۔ فارم ٹو مارکیٹ آن کشارگر آتا حالیت گچین مریک۔