اسلام آباد۔ 12 اگست (اے پی پی) پاکستان مسلم لیگ (ن) نا قومی اسمبلی ٹی پارلیمانی لیڈر خواجہ محمد آصف قوم ءِ 73 می یوم آزادی نا مبارکبادی ترسا پارینے کہ ملک اٹی بالادستی آئین ءِ بایدے دوئی مرے، پوسکن آ چین و سیاست دانک اواری اٹ ملک اٹ آئین کانود نا سربلندی و حقی جمہوریت کن جہد کیر۔ یوم آزادی نا وخت آ اے پی پی ءِ تروک آ اسہ خصوصی ءُ انٹرویو اسے ٹی اوپارے کہ پاکستان نا 73 می یوم آزادی ءِ ہرا جغرافیہ تون ننے پاکستان ملا نن ہمو جغرافیہ ءِ گیرام کرین و پاکسان اِرابشخ مس۔ نن اسُل پدی ہُتون کہ پاکستان اِرابشخ انت اکن مس۔ قائد اعظم ہراجمہوری جہد اٹ ننے ملک ءِ جوڑ کرسا تس نن اوڑآہم چکار کتون۔ اوپارے کہ بنجابیرہ جمہوری نظام اٹ زندہ و پائندہ سلنگ کیک۔ اوپارے کہ مستین ہراوڑسیاستدان آک ہم غیر جمہوری حکومت آتا بشخ ہم مسر۔ کنا خیال ءِ کہ جمہوریت ننتون بھلو سرمایہ اس ئس ہرادے نن ودفنگ کرینہ۔ اسہ سوج اسے نا ورندی ٹی اوپارے کہ بروک آ چینک ملک اٹی آئینی حکومت آتا جہد کیر و ملک اٹی آئین بالادست مریر۔ اوپارے کہ ہر گڑا بایدے کانود و آئین نا تابع مرے۔ پارلیمنٹ نا کڑد انا بابت اسہ سوج اسے نا ورندی ٹی اوپارے کہ پارلیمنٹ تدوک آ 73 سال ٹی اسہ نحیف ءُ ادارہ اس جوڑ مرسا سلیسونے۔
