اسلام آباد۔ 12 اگست (اے پی پی) وزیر خارجہ مخدوم شاہ محمود قریشی پارینے کہ ڈیہہ ٹی دیرپا امن و سوگوی، اوغانستان اٹ امن تون گنڈوک ءِ، داہیت ءِ او پاکستان اٹی تعینات اوغان سفیر عاطف مشعل تون گپ وتران کرسا پارے ہراچارشنبے نادے آ وزارت خارجہ ٹی اوڑتون سپاروکی اوڑدہی کرے۔ گپ وتران اٹی پاک اوغان تعلقداری و ڈیہہ ٹی امن تون اوار ہڑتوم آ کنڈآتا تین پہ تینی است خواہی نا باندات آتیا گپ وتران کننگا۔ وزیر خارجہ پارے کہ ڈیہہ ٹی دیرپا امن و سوگوی، اوغانستان اٹ امن تون گنڈوک ءِ۔ اوپارے کہ بین الاوغان مذاکرات آن اوغانستان اٹی دیرپاامن نا کسر آوار مریک۔ مخدوم شاہ محمود قریشی پارے کہ پاکستان، اوغان امن عمل تون اوار ڈیہہ ٹی امن و سوگوی کن تینا خیرخواہی نا کڑد ءِ ادا کرسا کیک۔ اوغان سفیر عاطف مشعل نیک است خواہی تا درشانی ءِ کننگ آ وزیر خارجہ نا منت واری ءِ ہرفے۔
