اسلام آباد ۔ 11 اگست (اے پی پی) پارلیمانی کمیٹی برائے کشمیر ءِ چئیر مین شہر یار خان آفریدی ءَ گوشت کہ ھمے رنگ ءَ پاکستان ءَ وتی درئی نیک راھ آنی منوک آنی گوما جوانیں سیادی ءُ یکوئی داشتگ دگنیا ءَ را ایشرا ءَ چہ سبک سکھگ ءِ ضلورت انت۔ میاں اوستمانی گور آنی روچ ءِ درگت ءَ پاکستان انسٹی ٹیوٹ آف پارلیمنٹری سروسز (پی آئی پی ایس) ءَ برجم داشتگیں سیمینار ءِ شریکیں مردم آں گوں گشتانک دیان ءَ شہر یار آفریدی ءَ گوشت کہ اے روچ ءَ را برجم دارگ ءِ ایوکیں مول ءُ مراد سرجمیں دگنیا ءَ را گور آنی ھک آنی ارزشت ءِ مارشت ءِ سما کنگ انت۔ شہر یار خان آفریدی ءَ گوشت کہ ہندوستانی حکومت ءَ بھارتی گور آنی ھلاپ ءَ ریاستی ناشرکاری ءِ بنگیج کتگ ءُ شیطانی منصوبگ ءِ چیر دستی ءَ ھاسیں رد ءَ نشانگ بندگ بوھگ ءَ انت۔ شہریارخان آفریدی ءَ گوشت کہ گوزوکیں سال فروری ءَ ہندوستان ءِ دارالحکومت دہلی ءَ ہندو آنی مچی ءَ 36 مسلمان آنی سر ءَ جانی ارش ءَ شہید کنگ بوتگ وھدیکہ بازیں مسیت آناں ھم شہید کنگ بوتگ۔ آئی ءَ گیش تران کت ءُ گوشت کہ گور آنی گوما سلوک ءِ جیڈھ ءَ پاکستان پڑے ملک آنی تہ ءَ درستاں چہ دیمتر انت۔ پاکستان یک بے دروریں راج ات ءُ ایشرا دگنیا ءَ گہتریں سلوک کنگ ءِ ضلورت انت۔
