اسلام آباد ۔ 11 اگست (اے پی پی) راجی اسمبلی ءِ ڈپٹی اسپیکر قاسم خان سوری ءَ گشتگ کہ پاکستان گوں جاپان ءَ وتی دوستناکیں سیادی ءَ را باز ارزشت دنت، دوئیں ملک آں اقتصادی ءُ سماجی پڑآں کمک ءَ را گیش کنگءِ موہ اَست اَنت، پاکستان ءَ کشتءُ کشاری، معدنیات، سیئل ءُ سواد ، ماہیگ، تعمیرات ءُ توانائی ءِ پڑاں زرکاری ءِ بازیں موہ اَست اَنت ۔ انوگیں حکومت پاکستان ءَ ہاؤسنگ ءِ پڑءَ بازیں آسراتی دیئگ ءَ اِنت اے پڑءَ جاپان ءِ زرکارانی ھاترءَ پاکستان ءَ زرکاری ءِ بازیں موہ اَست۔ راجی اسمبلی سیکرٹریٹ ءِ ردءَ اے ھیالانی درشانی آئی ءَ سے شمبےءِ روچءَ جاپان ءِ سفیر کنوری مستسودا ءَ گوں گندءُ نند ءِ وہدءَ کتگ۔ گندءُ نندءَ دونیمگی سیادی، خطہ ءَ امن ءُ ایمنی ءُ سلامتی ءِ جاورھال ءُ دونیمگی ھدوناکی ءِ کارانی سرءَ ھیالءُ لیکہ ءِ درشانی کنگ بوتگ۔
