اسلام آباد ۔ 11 اگست (اے پی پی) ریلوے ءِ وزیر شیخ رشید احمد ءَ گوں پاکستان ءَ ایران ءِ سفیر سفیر سیّد محمد علی حسینی ءَ سے شمبے ءِ روچءَ گندءُ نندکتگ۔ گندءُ نندءَ پاکستان ءُ ایران ءِ نیام ءَ ریل ءِ پڑءَ کمک ءَ را گیش کنگ ءِ سرءَ گپ ءُ تران کنگ بوتگ۔ اے موہ ءَ ریلوے ءِ وزیر شیخ رشید احمد ءَ گشتگ کہ پاکستان ریلوے کوئٹہ تفتان ریل ٹریک ءَ را اپ گریڈ کنگ ءِ ہوالگءَ فزیبلیٹی سٹڈی سرجم کنگ بوتگ، کوئٹہ تفتان ٹریک ءِ اپ گریڈیشن ءِسرءَ 112 ارب کلدار حرچ بنت، پراجیکٹ ءِ سرجم بوہگءَ پاکستان ءُ ایران ءِ نیامءَ مسافر آنی رؤگءُ آیگ ءُ بیپاری گیش بیت۔ ایرانی سفیر ءَ شیخ رشیف احمد ءَ را ایران ءِ ٹرانسپورٹ ءِ وزیر محمد اسلامی ءِ کلوہ ہم سر کتگ۔ آئی ءَ ریلوے ءِ وزیرءَ پاکستان ءِ آجوہی ءِ روچ ءِ مراد بات پیشوکی دات۔
