اسلام آباد۔ 11 اگست (اے پی پی) بنجائی وزیر ہوابازی غلام سرور خان پارینے کہ جشن آزادی نا خوشی تے اِراہنداخہ پین کننگ کن پی آئی اے خصوصی جہازو رعایتی پیکج نا پڑو ءِ کرینے۔ سے شنبے نادے آ ہوابازی ڈویژن نا کنڈآن جاری بیان اٹی اوپارے کہ 14 اگست آن سکھر، ملتان و گوادر کن ملک انا چندی بشخ آتیان جہاز آتا بناءِ کننگ انگ ءِ۔ وزیر ہوابازی پارے کہ پی آئی اے ملک انا تہہ ٹی سیل و سوات ءِ مون آ دننگ کن یوم آزادی نا چھٹی تیٹی گلگت و سکردو کن ہم رعایتی کرایہ غاتون خصوصی ودکی جہاز چلیفنگ ءِ۔ جشن آزادی پیکج نا رداٹ اسلام آباد، لاہور وکراچی نا نیام اٹ جہاز آتا کرایہ غاتیٹی 14 درسد رعایت تننگانے و گڑاتا حیران کن حد 73 کلو اسکان کننگانے۔ بنجائی وزیر مستی پارے کہ برطانیہ و یورپ کن پی آئی اے نا بدل گیگ فضائی آپریشن بحالی نا کنڈآ روان ءِ۔
